អេស្ប៉ាញ៖ Mateo ដែលជាកូនប្រុសពៅរបស់ កីឡាករឆ្នើម Lionel Messi បានលូតធំធាត់ជាងមុន កាន់តែ Cute គួរឲ្យស្រលាញ់ ខណៈឪពុកម្តាយរបស់គេ បានរៀបចំពិធីខួបកំណើតអាយុ២ឆ្នាំ កាលពីថ្ងៃទី១២ ខែកញ្ញា ឆ្នាំ២០១៧នេះ។ នេះបើយោងតាមរូបភាពជាច្រើនដែលបង្ហោះដោយ Messi នៅលើបណ្តាញសង្គម។
ខ្សែប្រយុទ្ធរបស់ក្រុម Barcelona រូបនេះព្រមទាំងភរិយា អ្នកនាង Antonella Roccuzzo បានធ្វើពិធីខួបកំណើតយ៉ាងសាមញ្ញមួយ ដើម្បីជូនពរកូនប្រុសពៅរបស់អ្នកទាំងពីរ ឈានចូលវ័យ២ឆ្នាំ ដែលមើលទៅហាក់បីដូចជាមានសុភមង្គលណាស់ចំពោះគ្រួសារកីឡាកររូបនេះ។
គួរបញ្ជាក់ថា Mateo បានកើតនៅថ្ងៃទី១២ ខែកញ្ញា ឆ្នាំ២០១៥ ខណៈរូបគេមានបងប្រុសម្នាក់ទៀត ដែលជាកូនច្បងរបស់ Messi គឺ Thiago Messi ដែលសព្វថ្ងៃមានអាយុជិត៦ឆ្នាំហើយ។
យ៉ាងណាមិញ ក្រៅពីដើរតួនាទីឪពុកហើយ Messi នឹងបន្តភារកិច្ចរបស់ខ្លួននៅលើទីលានវិញម្តង ដោយត្រូវជួយក្រុម Barcelona នៅយប់នេះ ក្នុងការប្រកួតបើកឆាកពានរង្វាន់ Champions League ប៉ះជាមួយក្លិបសេះបង្គង់ Juventus នៅក្នុងកីឡដ្ឋាន Camp Nou៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]