អង់គ្លេស៖ អ្នកចាំទីរបស់ក្រុមមេឃខៀវ Manchester City កីឡាករ Ederson បានបង្ហាញនូវរូបភាពរបួសរបស់គេដែលមានឆ្នាមដេរច្រើនកន្លែងនៅផ្នែកខាងឆ្វេងនៃមុខ ក្រោយពីត្រូវបានខែ្សបម្រើ Mane ទាត់ចំថៃ្ងមុនក្នុងជំនួបរវាង Manchester City ទល់នឹង Liverpool កាលពីសប្ដាហ៍មុន។
Ederson ត្រូវបានគ្រូពេទ្យដេរអស់៨ថ្នេរ ហើយបានពាក់ប្រដាប់ការពារក្បាលក្រោយពីរងរបួសនោះ អំឡុងពេល Manchester City ហ្វឹកហាត់នៅថៃ្ងបន្ទាប់ផងដែរ។ Mane ត្រូវបានអាជ្ញាកណ្ដាលសម្រេចផ្ដល់កាតក្រហមភ្លាមៗ ក្រោយបង្ករបួសទៅលើអ្នកចាំទីសញ្ជាតិប្រេស៊ីលនេះ ហើយរូបគេនឹងត្រូវខកខានមិនបានជួយ Liverpool ៣ប្រកួតដោយស្វ័យប្រវត្ដិ។
យ៉ាងណាក៏ដោយក្រុមហង្សក្រហម Liverpool ក៏មានសិទ្ធិក្នុងការប្ដឹងជំទាស់ក្នុងករណីពិន័យ Mane ៣ប្រកួតផងដែរ ហើយរំពឹងថារូបគេនឹងអាចបន្ថយទោសត្រឹម ១ ឫ២ប្រកួត។
ក្រោយការសម្រេចពិន័យកាតក្រហម Liverpool ត្រូវបានម្ចាស់ផ្ទះ Manchester City ធើ្វការវ៉ាយឡុកយ៉ាងខ្លាំងរហូតដល់យកឈ្នះយ៉ាងធំធេងដោយលទ្ធផល ៥-០ ក្នុងក្របខណ្ឌ Premier League កាលពីយប់ថៃ្ងសៅរ៍ កន្លងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]