(ភ្នំពេញ)៖ កាលពីពេលថ្មីនេះ តារាសម្ដែងពោរពេញដោយប្រជាប្រិយភាព មាន សូនីតា ដែលគេដាក់រហស្សនាមថា រាជនីក្រមា និងជាសិល្បការិនីខ្មែរដ៏ស្រស់សោភា ក្នុងកម្មវិធី មហោស្រពទូរទស្សន៍អាស៊ានជប៉ុន លើកទី២ (ASEAN Japan TV festival) ស្ថិតនៅទីក្រុងម៉ានីល ប្រទេសហ្វីលីនពីន នាងបានធ្វើជាអ្នកតំណាងឲ្យកម្ពុជា ដោយនាងបានជ្រើសរើសយករ៉ូបពណ៌ខ្មៅ ដែលជាការច្នៃចេញពីក្រមា យកទៅបង្ហាញប្រតិភូអាស៊ាន-ជប៉ុន ដែលកម្មវិធី នោះត្រូវបានរៀបចំឡើង នៅផ្សារទំនើប Landmark ក្នុងទីក្រុង Quezo ប្រទេសហ្វីលីពីន។
ក្នុងការពន្លេចចេញនូវសម្រស់ដ៏ស្រស់ស្អាត របស់តារាសម្ដែងស្រី ថ្ពាល់ខួច កញ្ញា មាន សូនីតា ក្នុងរ៉ូបដែលច្នៃចេញពីក្រមា ដែលតំណាងឲ្យកម្ពុជាមួយនេះ មានមហាជនមិនតិចទេ ដែលបានកោតសរសើរ តាមរយៈបណ្ដាញសង្គម ចំពោះភាពច្នៃប្រឌិត និងសម្រស់ដ៏ស្រស់សោភា ទាក់ទាញរបស់តារាស្រីរាងខ្ពស់ ស្រឡះរូបនេះ។
គួរបញ្ចាក់ថា មាន សូនីតា ក្រៅពីអាជីពជាអ្នកសិល្បៈ នាងក៏ជាម្ចាស់ហាង «ផ្ទះស្រឡាញ់» ដែលជាហាងច្នៃម៉ូដសម្លៀកបំពាក់ពីក្រមា ដោយមានការគាំទ្រជាច្រើន ពីសំណាក់អតិថិជន និងបាននាំចេញទៅក្រៅប្រទេស ក្នុងពិធីតាំងពិពណ៌ផ្សេងៗទៀតផង។ ទាំងនេះ ជាហេតុធ្វើឲ្យនាងមានឱកាសបង្ហាញមុខ និងតំណាងប្រទេសកម្ពុជា ជាញឹកញយស្ទើរតែរាល់កម្មវិធី ទាំងអស់៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
