រាជធានីភ្នំពេញ ៖ កាលពីពេល ថ្មីៗកន្លងមកអ្នកនាង ចន ច័ន្ទលក្ខិណា ប្រធានសមាគមសិល្បករខ្មែរអាណត្តិថ្មីមានទំនាស់ពាក្យសម្តីជាមួយភាគីជាច្រើនតាមហ្វេសប៊ុក ។ ចុងក្រោយនេះអ្នកនាងចន ច័ណ្ទលក្ខិណា បានប្រកាសសុំទោសមហាជន ដោយចង់ឱ្យ អ្វីៗចប់ជាស្ថាពរហើយងាកមកគិតគូររឿងការងារសិល្បៈវិញ ។
បន្ទាប់ពីឡើងគ្រងតំណែងជាប្រធានសមាគមសិល្បករខ្មែរមក តារាសម្តែងចន ច័ន្ទលក្ខិណា ធ្វើឱ្យមហាជនងឿងឆ្ងល់ជុំវិញមានជម្លោះច្រើនតាមហ្វេសប៊ុក ។ ជាពិសេសកន្លងមកបានឆ្លើយឆ្លងវាយប្រហារជាមួយលោកសុវណ្ណ មករា និងលោកម៉ៃ សុគន្ធ ។ ការទាស់ទែងទាំងនោះធ្វើឱ្យអ្នកគាំទ្រអាក់អន់ចិត្ត ហើយចង់ឱ្យមានការយោគយល់គ្នា និងមិនបង្ហាញពីការបែកបាក់របស់សិល្បករ ។
ចំណែកអនាគតស្វាមីអ្នកនាងចន ច័ន្ទលក្ខិណា លោកហេង ឡុង ដែលមុននេះប្រកាសប្តឹងទាមទារសំណងជំងឺចិត្តពីលោកសុវណ្ណ មករា ពីបទបរិហារកេរ្តិ៍នោះ បានប្រកាសដកពាក្យបណ្តឹងដោយមិនចង់ឱ្យមានទំនាស់តទៅទៀត ។
ថ្មីៗកន្លងមកអ្នកនាងចន ច័ន្ទលក្ខិណាបង្ហោះតាមហ្វេសប៊ុកលើកឡើងថា «មួយរយៈកន្លងមកការវាយប្រហារសាចទឹកដាក់គ្នារវាងសិល្បករនិងសិល្បករជាមួយបញ្ហាទំនាស់ជាច្រើនដែលកើតមានឡើង ជួនកាលគ្មានប្រភពច្បាស់លាស់ធ្វើឱ្យនាងខ្ញុំមានសម្ពាធ និងអារម្មណ៍មិនល្អ ហើយក៏បានតប ដោយប្រើពាក្យសុំដីមិនសមរម្យ ខ្លះៗ ។
នាងខ្ញុំសូមអរគុណដល់ថ្នាក់ដឹកនាំ និងមិត្តភក្តិទាំងអស់ ជាពិសេស គឺមតិ ល្អៗពីអ្នករិះគន់ដល់នាងខ្ញុំពីបញ្ហាខាងលើនេះ ធ្វើឱ្យយល់ថាការប្រើកំហឹង និងអារម្មណ៍ឆេវឆាវនេះមិនមែនជាដំណោះស្រាយដែលមានលទ្ឋផលល្អនោះទេ ។
ជាពិសេសនៅក្នុងពេលនេះដែលនាងខ្ញុំជាប្រធានសមាគមសិល្បករ និងជាអ្នកតំណាងឱ្យសិល្បករក្រោមការបោះឆ្នោតជ្រើសរើសក្នុងអាណត្តិថ្មីនាពេលកន្លងមក ។ នាងខ្ញុំសុំធ្វើការអភ័យទោសចំពោះសាធារណជនពីកំហុសខុសឆ្គងទាំងឡាយ ដោយនាងខ្ញុំនឹងបញ្ឈប់រាល់ការតបត ឬការដោះស្រាយបញ្ហាដោយឈរលើគោលការណ៍សម្របសម្រួល ឈ្នះៗដើម្បីកិត្តិយសជាសិល្បករខ្មែរ។
សូមអំពាវនាវដល់សិល្បករខ្មែរទាំងអស់យកការរួបរួមគ្នាជាធំ និងជាគំរូដល់សិល្បករជំនាន់ក្រោយ » ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
-
- តិចអត់ដឹង តារាស្រីល្បីៗប៉ុន្មានដួងនេះ មានឈ្មោះក្រៅគួរឲ្យចាប់អារម្មណ៍ ហ្វេនមិនធ្លាប់បានដឹង
- ស្ថានភាព វីជេ អាណូ ធូរបន្ដិច លោកជំទាវ ចន ច័ន្ទលក្ខិណា សួរសុខទុក្ខ និងយកជំនួយពីមហាជនជាង២ពាន់ដុល្លារ
- ប្រធានសមាគមសិល្បៈខ្មែរ ចនច័ន្ទ លក្ខិណា កំពុងចាត់វិធានការតាមផ្លូវច្បាប់ ដល់បុគ្គលប្រ»មា»ថកិត្តិយស ស៊ឹម ថៃណា
