បរទេស៖ បន្ទាប់ពីជួយក្រុមជម្រើសជាតិព័រទុយហ្គាល់ក្នុងការប្រកួតវគ្គជម្រុះពានរង្វាន់ World Cup ឆ្នាំ២០១៨ កាលពីប៉ុន្មានថៃ្ងកន្លងមកនេះ តារាឆ្នើមដែលកំពុងរងពិន័យរបស់ក្រុមអធិរាជស Real Madrid កីឡាករ Cristiano Ronaldo បានបង្អួតរថយន្ដម៉ូដែល Ferrari F12 យ៉ាងថ្មីស្រឡាងមួយគ្រឿង កាលពីម្សិលមិញនេះ។
នេះមិនមែនជាលើកដំបូងទេដែល Ronaldo បង្ហាញរថយន្ដដ៏ថ្មីស្រឡាងបែបនេះ តួយ៉ាងអតីតកីឡាកររបស់ Man Utd មានឡានទំនើបៗរាប់សិបគ្រឿងមកហើយ ខណៈដែលឡានចុងក្រោយម៉ូដែល Ferrari F12 នេះ ត្រូវបានគេដឹងថាមានតម្លៃដល់ទៅ ៣៥០០០០ផោន (ជាង៤៥ម៉ឺនដុល្លារ) ។
រថយន្តនេះត្រូវបានកីឡាករវ័យ៣២ឆ្នាំ បង្ហោះលើបណ្ដាញសង្គម Instagram ដោយក្នុងនោះ រូបគេបានឈរជិតទ្វាឡាន ស្របពេលកូនប្រុសរបស់គេអង្គុយខាងក្នុងយ៉ាងសង្ហា។
ការបង្អួតរថយន្តនេះ ធ្វើឡើង បន្ទាប់ពី Ronaldo បានបំពេញតួនាទីយ៉ាងល្អ ជួយព័រទុយហ្គាល់ឈ្នះ Faroe Islands និង ហុងគ្រី ក្នុងវគ្គជម្រុះ World Cup៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
