ភ្នំពេញ៖ តារាសម្ដែងចាស់វស្សា អ្នកនាង ស្វែង សុជាតា នៅតែរក្សាប្រជាប្រិយភាពបានយូរ គួរឲ្យសរសើរ បើទោះជាខ្លួនធ្លាប់ជួបឧបសគ្គច្រើនហើយក្ដី។
ស្នាដៃរបស់តារាសម្ដែងស្រី រូបនេះត្រូវបានទទួលស្គាល់ ពីផលិតករទាំងក្នុងនិងក្រៅប្រទេស ព្រោះតែអ្នកនាង ជាតារាដែលមានបទពិសោធន៍ខ្ពស់ ថែមទាំងអាចបត់បែនការសម្ដែងតាមកាលទេសៈទៀតផង។ ទោះបីមានវ័យជ្រេបន្តិចមែន ប៉ុន្តែសមត្ថភាពសម្ដែងរបស់អ្នកនាង ហាក់គ្មានការអន់ថយគួរឲ្យកត់សម្គាល់ ដែលជាហេតុនាំឲ្យផលិតករណាមួយព្រួយបារម្ភសោះឡើយ។
ហើយមុននេះដែរ តាមគណនីផ្លូវការរបស់អ្នកនាង ស្វែង សុជាតា ក៏បានបង្កភាពភ្ញាក់ផ្អើលតាមរយៈ រូបភាពមួយសន្លឹកបង្ហាញពីសត្វ តុកកែ ដែលដាក់ជាប់នឹងផ្ទៃមុខខ្លួនអ្នកនាងផ្ទាល់ ។ មួយសន្លឹកនេះល្មមធ្វើឲ្យ អ្នកទស្សនាឃើញហើយ ស្រៀវខ្លួនជំនួស ព្រោះតុកកែ ជាសត្វល្មូនដែល មនុស្សចាស់ក្មេងតែងញញើតនឹងរូបរាងរបស់វា ប៉ុន្តែចំពោះតារាស្រីនេះបែរជាហ៊ានប្រឡែងលេងយ់ាង ស្និទ្ធស្នាលទៅវិញ។
ទាំងនេះជាសិល្បៈសម្ដែងមួយ ដែលគួរឲ្យកោតសរសើរ ព្រោះថាភាពក្លាហានមួយនេះមិនងាយមាន តារាស្រីណាហ៊ានលះបង់ដូច អ្នកនាងឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]