ខេត្តប៉ៃលិន ៖ ដោយសារតែតូចចិត្តនឹងប្រពន្ធនិយាយមិនស្តាប់គ្នា ទើបបុរសជាប្តីបានផឹកថ្នាំពុលបាញ់ស្មៅអស់ជិតកន្លះលីត្រប៉ុនប៉ងធ្វើអត្តឃាតបញ្ចប់ជីវិតខ្លួន ។ ហេតុការណ៍នេះកើតឡើងកាលពីវេលាម៉ោង៨យប់ថ្ងៃទី៥ មីនា ២០១២ ។
ស្ត្រីឈ្មោះសុខ លី អាយុ២៣ឆ្នាំ ត្រូវ ជាប្រពន្ធជនរងគ្រោះបាននិយាយថា នៅថ្ងៃកើតហេតុប្តីរបស់ខ្លួនបានទៅធ្វើការតាំងពីព្រលឹម រហូតដល់ថ្ងៃត្រង់ក៏ត្រឡប់មកវិញ ក្រោយពេលហូបអាហារថ្ងៃត្រង់រួចប្តីមិនត្រឡប់ទៅចម្ការវិញទេ គឺសម្រាកនៅផ្ទះ ហើយបាននាំប្អូនធម៌ម្នាក់ឈ្មោះវែង អាយុប្រហែល២៩ឆ្នាំ ទៅទិញស្រាយកមកអង្គុយផឹក រហូតដល់ល្ងាច ។ លុះស្រវឹងធ្លាក់ភ្នែកផង ប្តីនិយាយដដែលៗរករឿងខឹងថា ប្រពន្ធមិនជួយធ្វើការ ។
នាងបានបញ្ជាក់ទៀតថា ដោយសារតែប្តីស្រវឹងហើយពោលពាក្យថា នាងខ្ចិលគិតនៅតែផ្ទះមិនទៅជួយធ្វើការ ដូច្នេះហើយនាងអត់មិនបានក៏ស្តីតបតវិញ ហើយរូបនាងក៏ដើរឡើងទៅលើផ្ទះបាត់ទៅ ស្រាប់តែក្រោយមកឮគេប្រាប់ថា ប្តីរបស់ខ្លួនផឹកថ្នាំពុលត្រូវគេបញ្ជូនទៅមន្ទីរពេទ្យបាត់ហើយ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]