ខេត្តព្រះសីហនុ ៖ មនុស្សចំនួន២នាក់បានស្លាប់ភ្លាមៗយ៉ាងរន្ឋត់នៅក្នុងរថយន្ត និងមនុស្សចំនួន៣នាក់ផ្សេងទៀតបានរងរបួសធ្ងន់ និងស្រាលនៅក្នុងហេតុការណ៏គ្រោះថ្នាក់ចរាចរណ៏មួយកាលពីវេលាម៉ោង០៧និង៤០នាទីយប់ ថ្ងៃទី២៧ ខែសីហា ឆ្នាំ២០១៧ ស្ថិតក្នុងភូមិពួធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ។
ជុំវិញករណីគ្រោះថ្នាក់ចរាចរណ៏នេះយោងប្រភពជំហានដំបូងពីលោកវរសេនីយ៏ឯក ព្រហ្ម ពៅ នាយការិយាល័យចរាចរណ៏ជើងគោគបានគូសបញ្ជាក់ថា នៅវេលាម៉ោង០៧និង៤០នាទីយប់ ថ្ងៃទី២៧ ខែសីហា ឆ្នាំ២០១៧ នៅចំណុចភូមិពួធឿង ឃុំបិតត្រាំង ស្រុកព្រៃនប់ ខេត្តព្រះសីហនុ មានកណីគ្រោះថ្នាក់ចរាចណ៏មួយកើតឡើងដែលបង្កឡើងរវាងរថយន្តដឹកដីម៉ាកហ៊ីយ៉ាន់ដាយពណ៌ខៀវ ពាក់ស្លាកលេខ ព្រះសីហនុ ៣A-៥៣១៨ អ្នកបើកបរមិនស្គាល់អត្តសញ្ញាណ បើកក្នុងទិសដៅចេញពីក្រុងព្រះសីហនុ បានរត់គេចខ្លួនក្រោយកើតហេតុ បានបុកជាមួយរថយន្តមួយគ្រឿងម៉ាកតូយូតាព្រូស ពណ៌ស ពាក់ស្លាកលេខ ភ្នំពេញ ២AP-៩៧៩៥ បើកបក្នុងទិសដៅចូលក្រុងព្រះសីហនុ បើកបរដោយឈ្មោះ យិត យ័រ ភេទប្រុស អាយុ២៥ឆ្នាំ មានទីលំនៅភូមិ០១ សង្កាត់លេខ៤ ក្រុងព្រះសីហនុ (ស្លាប់គៀបក្នុងរថយន្ត) រួមដំណើរជាមួយឈ្មោះ ស្រី សុជាតិ ភេទប្រុស អាយុ៣០ឆ្នាំ មានស្រុកកំណើតនៅខេត្តកោះកុង(ស្លាប់ក្នុងរថយន្ត) និងឈ្មោះ កែវ សៀន ភេទប្រុស អាយុ២០ឆ្នាំ មានមុខរបរជាងភ្លើង មានទីលំនៅភូមិ ស្មាច់ដែង ឃុំរាម ស្រុកព្រៃនប់ ខេត្តព្រះសីហនុ រងរបួសធ្ងន់ ហើយរថយន្តម៉ាកតូយូតាព្រូស ពណ៌សនោះបានខ្ទាតទៅបុកម៉ូតូម៉ាកហុងដាសេ១២៥ ពណ៌ខ្មៅ បើកបដោយឈ្មោះ ព្រហ្ម សម្បត្តិ ភេទប្រុស អាយុ៣៥ឆ្នាំ របួសស្រាល និងប្រពន្ធឈ្មោះ យែម ស្រីយ៉ា រងរបួសធ្ងន់ ។
ជុំវិញហេតុការណ៏ដ៏រន្ធត់នេះបើយោងតាមសាក្សីបានអះអាងថា នៅមុនកើតហេតុគេបានឃើញតូយូតាព្រូស ពណ៌ស បើកយ៉ាងលឿនក្នុងទិសដៅចូលក្រុងព្រះសីហនុពីកើតទៅលិចមកដល់ចំណុចកើតហេតុក៏បានវ៉ាម៉ូតូមួយគ្រឿងដែលជិះគ្នាពីរនាក់ធ្វើដំណើចូលក្នុងក្រុងព្រះសីហនុដូចគ្នាគាប់ជួនពេលនោះរថយន្តដឹកដីក៏បានមកដល់ដែរហើយបានបុករថយន្តពណ៌សពេញទំហឹងខ្ទាតមកត្រូវម៉ូតូដែលជិះពីក្រោយប៉ើងស្ត្រីជាប្រពន្ធខ្ទាតជាច្រើនម៉ែត្ររងរបួសធ្ងន់ ហើយត្រូវបានដឹកយកទៅសង្គ្រោះភ្លាមៗផងដែរ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]