ភ្នំពេញ៖ តារាពហុជំនាញ អ្នកនាង ទូច ស្រីល័ក្ខ តែងបង្កភាព ភ្ញាក់ផ្អើលតាមការសម្ដែង មិនថាជាតួអង្គគួរឲ្យស្រលាញ់ ឬជាតួអង្គកម្សត់នោះទេ។
ទោះបីជា តារាសម្ដែង រូបនេះ មានគ្រួសារហើយពិតមែន តែចំពោះប្រជាប្រិយភាពវិញ នៅតែមានការគាំទ្រខ្លាំង ពីទស្សនិកជន។
នេះក៏ដោយសារបទពិសោធន៍ ក្នុងការប្រឡូកសិល្បៈ របស់អ្នកនាង មានជាយូរឆ្នាំ ហើយរាល់ការសម្ដែងនីមួយៗ គឺពិតជាសាកសមគ្មានចន្លោះសោះឡើយ ទើបធ្វើឲ្យកេរ្តិ៍ឈ្មោះមួយនេះនៅរឹងមាំដល់សព្វថ្ងៃ។
ពេលខ្លះ ថ្វីបើខ្លួនជាស្រីមែនពិត តែបើឲ្យ ទូច ស្រីល័ក្ខ សម្ដែងជាតួអង្គប្រុសក៏អាចទៅរួច ហើយមើលទៅសឹងតែមិនដឹងថា ជាមនុស្សស្រីទៀតផង នេះក៏ជាចំណុចពិសេសមួយដែលតារាខ្លះធ្វើមិនបានដូចអ្នកនាង។
ហេតុផលទាំងនេះ បានធ្វើឲ្យអ្នកគាំទ្រគ្រប់គ្នា តែងតែសរសើរពីទេពកោសល្យក្នុងការសម្ដែង របស់អ្នកនាង ព្រោះតារាស្រីរូបនេះ អាចបត់បែនខ្លួនគ្រប់ស្ថានភាព ដែលមិនមែនជាកង្វល់ សម្រាប់ផលិតករណាមួយឡើយ។
កាលពីថ្មីៗនេះដែរ អ្នកនាង ទូច ស្រីល័ក្ខ ក៏បានបង្ហាញនូវរូបថត ពេលដែលនាង តែងខ្លួនជាប្រុស ដែលសឹងតែធ្វើឲ្យគ្រប់គ្នា មើលមិនចង់ស្គាល់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]