រាជធានីភ្នំពេញ ៖ នាងឃ្មឹបចង់មានការងារធ្វើច្រើនជាងនៅទំនេរ ទាំងថតភាពយន្ត និងសម្តែងកំប្លែងក្នុងទិសដៅយឹតយោងជីវភាពឲ្យប្រសើរឡើង ។ រហូតមកទល់ពេលនេះនាងឃ្មឹប មានលំនឹងក្នុងវិថីសិល្បៈឡើងវិញ ដោយនាងបានចូលរួមសម្តែងកំប្លែងក្នុងក្រុមនាយកុយជាប់លាប់ ព្រមទាំងសម្តែងភាពយន្តផងដែរ ។
អ្វីដែលឃ្មឹបទទួលបានពេលនេះ នាងនៅមិនទាន់គាប់ចិត្តនៅឡើយទេ ដ្បិតនាងចង់ពង្រីកទីផ្សារសិល្បៈឲ្យកាន់តែច្រើនជាងមុនដើម្បីជាការទទួលខុសត្រូវចំពោះក្រុមគ្រួសារ ពិសេសកូនរបស់នាង ។
អ្នកនាងរ៉េន សុធារី ហៅឃ្មឹប និយាយថា «រហូតមកទល់ពេលនេះនាងខ្ញុំចូលសិល្បៈវិញចេះតែមានការងារសិល្បៈ មួយៗគ្រាន់នឹងបានប្រាក់យកទៅមើលថែកូន ។ បានលុយកាក់ខ្លះគ្រាន់ថ្លៃផ្ទះជួល ទិញចំណីចំណុក អង្ករត្រី ហើយសេសសល់ខ្លះទៀតយកទៅមើលកូនប្រុសច្បងដែលជាប់ឃុំខ្លះទៀត ។ អីុចឹងហើយទើបនាងខ្ញុំចង់បានការងារសិល្បៈឲ្យបានច្រើនជាងនៅទំនេរបើមានផលិតករណា ឬខាងផលិតកម្មណាទៀតហៅនាងខ្ញុំសម្តែង នាងខ្ញុំយល់ព្រមទទួល ។
បើទៅមើលកូនប្រុសនាងខ្ញុំនៅពន្ឋនាគារម្តងចាយប្រាក់ក្បែរ២០០ដុល្លារគិតជាកន្លះខែក្នុងនោះទិញជាសាច់ប្រឡាក របស់របរ ផ្សេងៗសម្រាប់ចាយវាយដែលនាងខ្ញុំត្រូវស្វះស្វែងរកបន្តទៀតតាមអ្វីដែលអាចប្រឹងបាន ។ ម្ល៉ោះហើយនាងខ្ញុំមានតែសិល្បៈនេះទេដែលពឹងអាស្រ័យជាផ្លូវវែកដើរទៅមុខ ។
រហូតមកទល់ពេលនេះនាងខ្ញុំបានទទួលការងារថតកុន២រឿងមកហើយ ក្នុងនោះរឿងភាគរបស់ទូរទស្សន៍ម៉ាយធីវីដែលគ្រោងចាក់បញ្ចាំង ហើយ ថ្មីៗនេះទើបតែកុងត្រាថតរឿងជូនផលិតកម្មអ្នកនាងចន ច័ន្ទលក្ខិណា រឿង«បន្តោងឆ្នាំងដី» ។
ឃ្មឹបថ្លែងអំណរគុណដល់បណ្តារៀមច្បងសិល្បករដែលផ្តល់ឱកាសឲ្យនាងមានមុខក្នុងពិភពសិល្បៈឡើងវិញ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]