អេស្ប៉ាញ៖ លីកកំពូលអេស្ប៉ាញ La Liga រដូវកាល២០១៧-២០១៨ បានចាប់បើកការប្រកួតវិញហើយ ដោយក្រុមខ្លាំងទាំងពីរ Real Madrid និង Barcelona សុទ្ធតែទទួលបានជ័យជំនះរៀងៗខ្លួន ក្នុងការប្រកួតដំបូង។
Real Madrid បានបើកឆាកការប្រកួតលីក ដោយធ្វើជាក្រុមភ្ញៀវទៅសួរសុខទុក្ខក្រុមម្ចាស់ផ្ទះ Deportivo ស្របពេល Barcelona បានបើកទ្វាកីឡដ្ឋាន Camp Nou ស្វាគមន៍ក្រុម Real Betis។
Barcelona ទទួលបាន៣ពិន្ទុដំបូង ក្រោយយកឈ្នះក្រុម Real Betis ក្នុងលទ្ធផល ២-0 ដែលជាការស៊ុតបញ្ចូលទីខ្លួនឯងគ្រាប់ដំបូងដោយកីឡាករ Alin Tosca និងមួយគ្រាប់ទៀតដោយកកីឡាករ Sergio Roberto។
ចំនែក Real Madrid វិញ ស៊ុតក្រុមម្ចាស់ផ្ទះរហូតដល់ទៅ៣គ្រាប់ ពោលគឺ Real ឈ្នះ Deportivo ក្នុងលទ្ធផល ៣-០។
៣គ្រាប់នេះធ្វើឡើងដោយ Gareth Bale, Casemiro និងខ្សែបម្រើ Toni Kroos ។ ក្នុងនោះ ក្រុមម្ចាស់ផ្ទះក៏ទទួលបានបាល់ពិន័យប៉េណាល់ទីផងដែរ តែធ្វើមិនបានសម្រេច ខណៈខ្សែការពារកំពូលរបស់ Real Madrid កីឡាករ Sergio Ramos ទទួលបានកាតលឿងពីរដង ដែលស្មើនឹងកាតក្រហម។
ដូច្នេះ ក្នុងការប្រកួតបើកឆាកលីកកំពូលអេស្ប៉ាញ La Liga ក្លិប Real Madrid បានឡើងឈរលើកំពូលតារាង ខណៈ Barcelona តាមពីក្រោយក្នុងចំណាត់ថ្នាក់លេខ២ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
