ខេត្តកំពង់ស្ពឺ ៖ កូនប្រុសមន្ត្រីអាវុធហត្ថខេត្តកំពង់ស្ពឺម្នាក់បានស្លាប់យ៉ាងអាណោចអាធ័មដោយបោកផ្ទប់នឹងផ្ទាំងថ្ម ហើយត្រូវទឹកជ្រោះហូរកួចយកទៅបាត់ ហេតុការណ៍នេះកើតឡើងកាលពីវេលាម៉ោង៣រសៀល ថ្ងៃទី១៩ ខែ សីហា ឆ្នាំ២០១៧ នៅចំណុចតំបន់ទេសចរណ៍ទឹកធ្លាក់ជាន់ទី2 ភ្នំជ្រាវ ស្ថិតក្នុងភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ។
ជនរងគ្រោះឈ្មោះ ក្រឹន សុខសម្បត្តិ ភេទប្រុស អាយុ១២ ឆ្នាំ រស់នៅភូមិផ្សារសាមគ្កី ឃុំកណ្ដោលដុំ ក្រុងច្បារមន ។
ប្រភពពីអ្នកលក់នៅទីនោះរៀបរាប់ថា មុនពេលកើតហេតុ គេឃើញក្មេងរងគ្រោះ ព្រមទាំងក្រុមគ្រួសារបាននាំគ្នាទៅលេងកម្សាន្ត ដោយហូបបាយ និងមុជទឹកលេងដូចអ្នកទេសចរណ៍ផ្សេងៗទៀតដែរ។ ពេលកំពុងមុជទឹកលេងជនរងគ្រោះបានរអិលដួលបោកទៅនឹងថ្ម ហើយធ្លាក់ចូលក្នុងទឹកកួចនាំយកទៅបាត់ រហូតដល់ម៉ោង៤និង30នាទីថ្ងៃដដែល សពក្មេងរងគ្រោះអណ្តែតមកទើរនៅចំណុចក្បាលបូមទឹកចម្ងាយ500ម៉ែត្រពីកន្លែងទឹកធ្លាក់។
ក្រោយកើតហេតុការណ៍ សមត្ថកិច្ចបានចុះអន្តរាគមន៍រកជនរងគ្រោះដែរ តែរកមិនឃើញ រហូតដល់ម៉ោង៤កន្លះល្ងាច ទើបរកសពជនរងគ្រោះឃើញ។ ក្រោយរកសពឃើញត្រូវបានសមត្ថកិច្ចបំពេញឯកសារប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]