បរទេស៖ អតីតគ្រូបង្វឹកក្រុមបិសាចក្រហម Manchester United លោក Louis Van Gaal ទំនងជាអាចវិលមកកាន់ការងារដឹកនាំសាជាថ្មី ក្រោយពីមានសេចក្ដីរាយការណ៍មួយថា លោកអាចនឹងទៅដឹកនាំក្លិប Vissel Kobe ដែលស្ថិតក្នុងលីកកំពូល J League របស់ជប៉ុន។
សារព័ត៌មាន News Outlet Hochi របស់ជប៉ុនបានបញ្ជាក់ថា ក្រុមដែលស្ថិតក្នុងលីក J League នេះ បានដាក់គោលដៅលោក Louis Van Gaal ជាបេក្ខភាពធំជាងគេក្នុងការឡើងមកដឹកនាំ។
លោក Van Gaal ដែលមិនមានប្រវត្ដិបង្វឹកនៅក្លិបក្រៅពីតំបន់អឺរ៉ុប ត្រូវបានក្លិបបិសាចក្រហម Manchester United បណេ្ដញចេញពីតំណែង ក្រោយពីលោកបានជួយឲ្យក្លិបនេះឈ្នះជើងឯក FA Cup កាលពីឆ្នាំ២០១៦។
គ្រូបង្វឹកសញ្ជាតិហូឡង់ ដែលធ្លាប់បង្វឹកក្រុមជាច្រើនដូចជា Barcelona, Ajax ជាដើមនោះ អាចនឹងក្លាយជាគ្រូបង្វឹកដំបូងគេដែលធ្លាប់ឈ្នះ Champions League មកបង្វឹកនៅលីកកំពូលជប៉ុន។
នៅក្នុងរដូវកាល ២០១៥-២០១៦ Man Utd ស៊ុតបានត្រឹម ៤៩គ្រាប់ប៉ុណ្ណោះក្នុងលីកក្រោមការដឹកនាំរបស់លោក ហើយក៏ត្រូវបានគេរិះគន់លោកក្នុងការដឹកនាំមិនបានល្អ ពោលគឺ Man Utd បានបញ្ចប់ចំណាត់ថ្នាក់ត្រឹមលេខ៥ ក្នុងតារាង Premier League ពេលនោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]