ប្រពន្ធស្លាប់បាត់ អផ្សុកពេក លោកតាអាយុ៩៤ឆ្នាំ សម្រេចចិត្តធ្វើរឿងមួយ ជាមួយក្មេងៗជិតខាង (មានវីដេអូ)

អាមេរិក៖ លោកតា Davison បានរស់នៅកំព្រាតែឯង បន្ទាប់ពីលោកយាយ Evy ជាភរិយាដែលរស់នៅជាមួយគ្នាជាង ៦៦ឆ្នាំមកហើយនោះ បានលាចាកលោកកាលពីខែមេសា ឆ្នាំ ២០១៦ កន្លងទៅ។

នៅក្នុងវីដេអូមួយ លោកតា Davision បាននិយាយថា៖ 

“អ្នកមិនអាចស្រមៃដឹងថា វាមានអារម្មណ៍បែបណានោះទេ។ អ្នកយំខ្លាំងណាស់ ព្រោះ នាង (លោកយាយ Evy) មិននៅទីនេះទៀតទេ។”

ដូច្នេះ អតីតចៅក្រមវ័យ ៩៤ឆ្នាំ រូបនេះ ក៏បានសម្រេចចិត្តធ្វើអាងហែលទឹកមួយនៅក្រោយផ្ទះរបស់ខ្លួន ដែលមានទីតាំងនៅក្នុងទីក្រុង Morris រដ្ឋ Minnesota សហរដ្ឋអាមេរិក។ ឥឡូវនេះ គាត់មានភ្ញៀវមកលេងច្រើនណាស់។

គួរបញ្ជាក់ដែរថា អាងទឹកដែលមានបណ្តោយ ៩.៨ម៉ែត្រ និងទទឹង ៤.៩ម៉ែត្រនោះ បានរៀបចំឡើងកាលពីដើមឆ្នាំ២០១៧ រហូតមកដល់ខែកក្កដា ឆ្នាំដដែលនេះលោកតា Davision បានដាក់ឲ្យក្មេងៗចូលលេងដោយឥតគិតថ្លៃ ។

ក្រៅពីកូនៗពេញវ័យចំនួន៣នាក់ លោកតា Davision មិនមានចៅនោះទេ ប៉ុន្តែមានអ្នកជិតខាងម្នាក់ បានប្រាប់ទៅកាន់លោកតាថា៖ 

“អ្នកបានចូលរួមចំណែកចិញ្ចឹមកូនៗរបស់អ្នកជិតខាង ដូច្នេះ ពួកគេក៏ជាចៅរបស់អ្នកដែរ”។

ដូច្នេះ ចាប់ពីពេលនេះតទៅ លោកតា Davision មិនឯកាទៀតទេ៕

សូមទស្សនាវីដេអូ និងរូបភាពខាងក្រោមនេះ៖ 

• គ្រួសារ
• ជីវិត
• ជំរុញទឹកចិត្ត