ខេត្តកំពង់ចាម ៖ សេចក្តីរាយការណ៍បន្តឱ្យដឹងថា ករណីភ្ញាក់ផ្អើលចោមរោមនៅលើស្ពានគីហ្ស៊ុណាដែលសង្ស័យថា មានមនុស្សបានលោតទឹកសម្លាប់ខ្លួននោះ គិតនៅត្រឹមម៉ោងជាង០១រសៀលថ្ងៃទី១៦ សីហា នេះ ត្រូវបានលោកនាយប៉ុស្តិ៍វាលវង់ឱ្យកោះសន្តិភាពដឹងថា គឺមិនមែនជាករណីមនុស្សលោតទឹកសម្លាប់ខ្លួននោះទេ ។
លោកនាយប៉ុស្តិ៍បន្តថា ការពិតមនុស្សដែលគ្រប់គ្នាសង្ស័យលោតទឹកសម្លាប់ខ្លួននោះ គឺបានឃើញហែលរសាត់អណ្តែតតាមទឹកហូរ ចាប់ពីចំណុចជ្រោយថ្មមកម្ល៉េះ ហើយក៏កំពុងសង្ស័យផងដែរថា បុរសដែលហែលនោះ អាចជាមនុស្សសរសៃប្រសាទទៀតផង ។ ទោះបីយ៉ាងណា គ្មានអ្នកណាម្នាក់ដឹងច្បាស់ឡើយថា គាត់បានឡើងគោកវិញ ឬក៏អត់?
គួររំលឹកថា កាលពីវេលាម៉ោងជាង០៤រសៀលថ្ងៃទី១៥ សីហា នេះ មានករណីមនុស្សម្នាក់ ដែលមិនដឹងថា ជាប្រុសឬស្រីបានលោតពីលើស្ពានគីហ្ស៊ុណាសម្លាប់ខ្លួន ស្ថិតក្នុងសង្កាត់វាលវង់ ក្រុងកំពង់ចាម ។
បើតាមសាក្សីម្នាក់ថា បានឃើញមនុស្សលោតចូលក្នុងទន្លេ ដោយឃើញរសាត់អណ្តែតតាមទឹកហូរបាត់ ហើយក៏មិនដឹងថា ស្លាប់ឬរស់នោះដែរ ។ បច្ចុប្បន្ន មានមនុស្សកំពុងចោមរោមមើលជាច្រើនលើស្ពានគីហ្ស៊ុណា ក្រោយពីដឹងថា មានមនុស្សលោតទឹកទន្លេនេះ រួមទាំងអាជ្ញាធរ និងពលរដ្ឋក៏បាននាំគ្នាចេញទៅជួយរកជនរងគ្រោះផងដែរ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]