ឆៃថាវគឺជាបន្លែមួយដែលមានប្រជាប្រិយភាពគួរសមសម្រាប់ធ្វើមុខម្ហូប។ អ្វីដែលគួរឲ្យចាប់អារម្មណ៍នោះ គឺឆៃថាវមានអត្ថប្រយោជន៍ច្រើនណាស់ ដែលមនុស្សភាគច្រើនមិនសូវបានចាប់អារម្មណ៍ ឬមិនបានដឹងពីមុនមក។
ខាងក្រោមនេះគឺជាអត្ថប្រយោជន៍មួយចំនួនរបស់ឆៃថាវ៖
១. មានអត្ថប្រយោជន៍សម្រាប់អ្នកជំងឺទឹកនោមផ្អែម
ឆៃថាវមានអត្ថប្រយោជន៍សម្រាប់អ្នកជំងឺទឹកនោមផ្អែមដោយសារ វាមានសមត្ថភាពគ្រប់គ្រងកម្រិតជាតិស្ករនៅក្នុងឈាម។
២. បង្ការជំងឺលើសឈាម
ឆៃថាវដែលឆៅមានសារជាតិដែលអាចបង្ការការកើតជំងឺលើសឈាម។ ឆៃថាវមានជាតិប៉ូតាស្យូមនិងជាតិសូដ្យូមដែលអាចជួយរក្សាតុល្យភាពប៉ូតាស្យូមនៅក្នុងសរីរាង្គអ្នកបាន។ ដូច្នេះឆៃថាវមានសមត្ថភាពក្នុងការគ្រប់គ្រងសម្ពាធឈាមមិនឲ្យកើនឡើងខ្ពស់ជាងកម្រិតធម្មតាបាន។
៣. ជួយក្នុងការសម្រកទម្ងន់
ឆៃថាវអាចប្រើប្រាស់បានដើម្បីជួយសម្រកទម្ងន់ដែលមិនមានការប៉ះពាល់ដល់សុខភាព។ ឆៃថាវមានជាតិកាឡូរីតិចតួចណាស់ ហើយវាក៏មានជាតិវីតាមីននិងសារធាតុសរសៃជាច្រើនដែលអាចជួយដល់ការស្រកទម្ងន់ផងដែរ។
៤. ជួយសម្រួលអាការផ្តាសាយនិងក្អក
ប្រសិនបើអ្នកមានជំងឺផ្តាសាយនិងក្អកជាញឹកញាប់ អ្នកគួរដាក់ឆៃថាវចូលក្នុងរបបអាហាររបស់អ្នក ព្រោះឆៃថាវមានលក្ខណៈសម្បត្តិអាចជួយសម្អាតជាតិរំអិលក្នុងបំពង់ក និងច្រមុះបាន។ ហើយឆៃថាវក៏អាចប្រឆាំងនឹងការរលាកបំពង់កផងដែរ។
៥. ជួយសម្រួលដល់ការទល់លាមក
បើសិនជាអ្នកញាំអាហារដែលមិនល្អ ឬក៏ញាំទឹកតិចតួចពេក អ្នកអាចនឹងមានបញ្ហាទល់លាមក។ ឆៃថាវមានសារជាតិសរសៃច្រើនខ្លាំងណាស់ ហើយសារជាតិ សរសៃនេះអាចជួយដោះស្រាយបញ្ហាទល់លាមកបាន ព្រោះវាជួយសម្រួលដល់ចលនាពោះវៀន ហើយវាក៏អាចជួយសំអាតអាហារដែលជាប់នៅក្នុងពោះវៀនធំទៀតផង។
៦. ជួយសម្រួលដល់ការដកដង្ហើម
ឆៃថាវមានសារជាតិរំអិលដែលអាចជួយរក្សាផ្លូវដង្ហើមឲ្យមានសុខភាពល្អបាន។ ការទទួលទានឆៃថាវដែលបានចម្អិនរួច អាចជួយឱ្យអ្នកផុតពីការឆ្លងរោគផ្សេងៗ ហើយវាក៏អាចការពារនិងព្យាបាលជំងឺហឺតផងដែរ។
៧. អាចបង្ការជំងឺមហារីក
ការទទួលទានឆៃថាវទៀងទាត់ អាចជួយកាត់បន្ថយភាគរយនៃការកើតជំងឺមហារីកបាន ព្រោះឆៃថាវមានវីតាមីន C និងសារធាតុមួយចំនួនទៀតដែលមានលក្ខណៈសម្បត្តិប្រឆាំងនឹងការកើតមហារីកទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
