ភ្នំពេញ៖ តារាចម្រៀងមាឌតូចល្អិត តែខ្លឹម ហើយនិយមច្រៀងបទចម្រៀងញាក់កន្ត្រាក់ ជាពិសេសគឺច្រៀងរ៉េប យ៉ាងប៉ិនប្រសប់ ឌីជេ ក្តិប បច្ចុប្បន្នកំពុងផ្ញើខ្លួនផ្ញើប្រាណ នៅក្រោមដំបូលផលិតកម្មរស្មីហង្សមាស ដោយទទួលបាននូវការគាំទ្រពីទស្សនិកជន គួរឱ្យកត់សម្គាល់។
ក្រៅពីអាជីពជាអ្នកចម្រៀងឌីជេ ក្តិប ក៏ជាអ្នកនិពន្ធបទភ្លេង និងទំនុកច្រៀងម្នាក់ផងដែរប្រចាំផលិតកម្មថ្មីមួយនេះ។
ហើយលោកក៏ធ្លាប់ជាដៃគូចម្រៀងដ៏ល្បីល្បាញជាមួយកញ្ញា ឱក សុគន្ធកញ្ញា កាលពីជាង១០ឆ្នាំមុនផងដែរ ដោយទទួលបាននូវការគាំទ្រយ៉ាងខ្លាំង។
ហើយនៅពេលនេះឌីជេ ក្តិប ក៏ស្រាប់តែបានទម្លាយការពិតរឿងរបស់ខ្លួន និងកញ្ញា ឱក សុគន្ធកញ្ញា នៅលើហ្វេសប៊ុកដូច្នេះថា៖
«១០ឆ្នាំមុនយើងធ្លាប់បានធ្វើការងារលេងៗរួមគ្នាម្ដងរួចមកហើយ ហើយ១០ឆ្នាំក្រោយក្នុងថ្ងៃនេះ យើងក៏បានចាប់ផ្ដើមធ្វើការមែនទែនជាមួយគ្នាម្ដងទៀត៘ អរគុណស្នាមញញឹមដ៏មានតម្លៃរបស់បង សម្រាប់ការងារ១នេះ»។
ជាក់ស្តែងកាលពីប្រមាណជាជាង១០ឆ្នាំមុនកញ្ញា ឱក សុគន្ធកញ្ញា និងឌីជេ ក្តិប ពិតជាមានប្រជាប្រិយភាពខ្លាំងមែនទែន តាមរយៈបទ «ស្នេហា» របស់ផលិតកម្មហង្សមាសផងដែរ។
មិនតែប៉ុណ្ណោះ ក៏នៅមានចម្រៀងជាច្រើនបទទៀតរួមគ្នា ដែលសុទ្ធសឹងតែជាបទល្បីកាលពីសម័យនោះ ហើយក៏មានការគាំទ្រថាអ្នកទាំងពីរ គឺដៃគូនឹងគ្នាយ៉ាងសាកសម។
ហើយនៅពេលខាងមុខនេះ តើអ្នកទាំងពីរនឹងចាប់ដៃគូជាមួយគ្នាជាថ្មីម្តងទៀត ឬយ៉ាងណា? រង់ចាំតាមដានមើលជាមួយគ្នា៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]