មិនដែលដឹងសោះ ម្ចាស់បទ«កុំហាមបងមិនឲ្យស្រលាញ់» ជាបងប្អូន មាស សុខសោភា!

ភ្នំពេញ៖ តារាចម្រៀងអ្នកនាង មាស សុខសោភា បានឈរឈ្មោះនៅក្នុងវិស័យសិល្បៈចម្រៀងអស់រយៈពេលជាច្រើនឆ្នាំមកហើយ ជាមួយនឹងភាពល្បីល្បាញរបស់ខ្លួនក្រោមការគាំទ្រពីទស្សនិកជនយ៉ាងច្រើន។

ស្របពេលដែលភាពល្បីល្បាញ កំពុងដើរទន្ទឹមនឹងប្រជាប្រិយភាពអ្នកនាង មាស សុខសោភា ក៏បានណែនាំបងប្អូនខ្លួនម្នាក់ ឱ្យអ្នកគាំទ្រទាំងអស់បានស្គាល់ផងដែរ កាលពីប៉ុន្មានថ្ងៃមុននេះ។

នោះគឺលោក Imma Mcool ម្ចាស់បទ «កុំហាមបងមិនឱ្យស្រលាញ់» ដែលជាចម្រៀង Original Song បង្កប់នូវមនោសញ្ចេតនាស្នេហាជ្រាលជ្រៅ ត្រូវសាច់រឿងពិតយុវវ័យបច្ចុប្បន្ន។

តារាចម្រៀងមាស សុខសោភា បានរៀបរាប់នៅលើហ្វេសប៊ុកផេកផ្លូវការរបស់ខ្លួនដូច្នេះថា៖ 

«ខ្ញុំចង់ណែនាំ Imma ឱ្យអ្នកទាំងអស់គ្នាបានស្គាល់ គាត់គឺជាបងប្អូនរបស់ខ្ញុំ ហើយជាសិល្បករថ្មី។ សូមគាំទ្របទចម្រៀង Original របស់គាត់ «កុំហាមបងមិនអោយស្រលាញ់» សូមអរគុណ!»។

មិនដែលដឹងពីមុនសោះថា តារាចម្រៀង Original Song ល្បីឈ្មោះលោក Imma Mcool គឺបងប្អូនរបស់អ្នកនាង មាស សុខសោភា ដែរ៕

ទស្សនារូបភាពខាងក្រោមនេះ៖ 

• មាស សុខសោភា
• ចម្រៀង