ទៅដល់ជប៉ុនមិនបានប៉ុន្មាន កុសុម៉ា ដៀលប្រុសម្នាក់ពេញមាត់តែម្ដង!

ជប៉ុន៖ សុភ័ក្រ កុសុម៉ា ចាប់ផ្ដើមល្បីខ្លាំងឡើងនាមួយរយៈចុងក្រោយ បន្ទាប់ពីទទួលបានតំណែងជាពិធីការិនី ជាមួយតាប៊ុយ ក្នុងកម្មវិធី«ពេញចិត្តអត់»។

លើសពីសមត្ថភាពសម្ដែង និងជាពិធីការិនី កញ្ញា ក៏អាចបកស្រាយចម្រៀងបានយ៉ាងពិរោះ ជាហេតុធ្វើឲ្យតារាស្រីវ័យ២៥ឆ្នាំ រូបនេះមានឱកាសទៅសម្ដែងនៅក្រៅប្រទេសទៀតផង(ជប៉ុន)។

កំពុងតែមានប្រជាប្រិយភាពស្ទុះខ្លាំងផង កញ្ញា សុភ័ក្រ កុសុម៉ា បែរជាមកមានជម្លោះទាស់សម្ដី នឹងបុរសម្នាក់ នេះបើតាមរយៈអត្ថន័យសារដែល តារាស្រីរូបនេះបានបង្ហោះក្នុងហ្វេសប៊ុកផ្លូវការរបស់ខ្លួន ដោយបានសរសេរថា៖«មួយជីវិតមិនដែលជួបអាប្រុសចរិកឆ្កែចឹងទេ ខ្ញុំលេងសើចតែខ្ញុំលេងតែជាមួយខ្លួនឯង ចឹងសុំយកខួរក្បាលគិតខ្លួនឯងថាយើងជាប្រុសប្រើភាសា ដើម្បីយកចិត្តគេមើលងាយមនុស្សស្រី»។

សារបញ្ចេញកំហឹងមួយនេះ បានធ្វើឲ្យអ្នកលេងបណ្ដាញសង្គមមួយចំនួនមានចម្ងល់ជាខ្លាំង ព្រោះគ្រប់គ្នាដឹងច្បាស់ថា សុភ័ក្រ កុសុម៉ា ជាតារាស្រីដែលនាំតែសំណើចជូនប្រិយមិត្ត តែសុខៗកញ្ញា បែរជាមកមានបញ្ហា និងត្រូវគេមើលងាយបែបនេះ ទាំងដែលខ្លួនកំពុង ចូលរួមការសម្ដែងនៅឯប្រទេសជប៉ុនផង។

យ៉ាងណាមិញគេមិនទាន់ដឹងថា តារាស្រីនេះមានបញ្ហាជាមួយបុរសណាឲ្យច្បាស់នោះទេ ព្រោះបើតាមអត្ថន័យសារ កញ្ញាមិនបានបញ្ជាក់ពីបុគ្គលរូបនោះឡើយ ហើយជាលើកទីមួយផងដែរ ដែលនាងបញ្ចេញសារខឹង បុរស តាមរយៈបណ្តាញសង្គមបែបនេះ៕ 

• សុភ័ក្រ កុសុម៉ា