បរទេស៖ មួយរយៈពេលក្រោយនេះ មានមនុស្សជាច្រើនកំពុងរង់ចាំអ៊ុតមើលរូបរាងនិងពណ៌ទូរស័ព្ទស្មាតហ្វូនស៊េរីថ្មីរបស់ក្រុមហ៊ុន Apple ថាតើវាស្អាតយ៉ាងណាដែរទៅ។
ទោះបីជាមានរូបភាពយ៉ាងច្រើនត្រូវបានបង្ហោះលាតត្រដាងឡើងនៅលើអ៊ីនធឺណិតយ៉ាងព្រោងព្រាតក៏ដោយ ក៏យើងមិនទាន់អាចទុកចិត្តទាំងស្រុងបានទេថារូបភាពទាំងនោះវាពិតប្រាកដកម្រិតណា។
យ៉ាងណាមិញ ក៏មានការបង្ហោះវីដេអូ ផ្ដោតលើផ្នែកខាងក្រៅនៃពុម្ភគំរូដែលគេអះអាងថារបស់ទូរស័ព្ទ iPhone 8 ផងដែរ។ វីដេអូនេះឲ្យយើងបានដឹងអំពីលក្ខណៈសម្បត្តិរបស់ទូរស័ព្ទ iPhone 8 ជាច្រើនដូចជា៖
• គ្មានប៊ូតុង Home
• មានកាមេរ៉ាចំនួន ២
• មានគែមស្ដើង
• មានទំហំស្ទើរតែប៉ុនទូរស័ព្ទ Samsung Galaxy S8
• មានចំនួន ៣ពណ៌សម្រាប់ជ្រើសរើស រួមមាន ពណ៌ប្រាក់ ពណ៌ខ្មៅនិងពណ៌ស្ពាន់។
គួរបញ្ជាក់ផងដែរថា នេះគ្រាន់តែជាម៉ូដែលពុម្ពគំរូរបស់ទូរស័ព្ទ iPhone 8 ដូច្នេះយើងមិនទាន់ដឹងច្បាស់ថាគេអាចនឹងមានកំណែទម្រង់បន្តិចបន្តួចទៀត ឬលើសពីនេះយ៉ាងណានោះទេ៕
សម្រាប់ប្រិយមិត្តផ្ទាល់ តើមានអារម្មណ៍ថាស្រលាញ់ពណ៌ជាងគេដែរទៅ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
