អាមេរិក៖ កំពូលអ្នកប្រដាល់ស្បែកខ្មៅសញ្ជាតិអាមេរិក Floyd Maywheater មិនទាន់ស្គាល់រសជាតិចាញ់ទេ តាំងពីប្រឡូកក្នុងសង្វៀនប្រដាល់អស់រយៈពេល២១ឆ្នាំកន្លងមកនេះ ដោយប្រកួត៤៩ដង ឈ្នះទាំង៤៩ ហើយត្រូវបានគេរំពឹងថា នឹងផ្តួល Conor McGregor ម្នាក់ទៀតដើម្បីបង្គ្រប់ជ័យជំនះទី៥០របស់ខ្លួន។
ដោយឡែកពាក់ព័ន្ធនឹងប្រវត្តិប្រកួតនេះ ក្រឡេកមកមើលឆ្នាំ១៩៩៦ វិញ ប្រិយមិត្តអាចនឹងភ្ញាក់ផ្អើល ព្រោះតាមការពិត Floyd Maywheather ធ្លាប់ទទួលបរាជ័យមួយលើក ដោយកាលនោះ គឺស្ថិតក្នុងព្រឹត្តការណ៍អូឡាំពិក នៃវិញ្ញាសារប្រដាល់សាកល។ នេះបើយោងតាមសារព័ត៌មានឌែលីម៉ែលបានចុះផ្សាយ។
កាលពី២១ឆ្នាំមុន គឺជាការបរាជ័យលើកចុងក្រោយរបស់ Floyd នៅក្នុងព្រឹត្តការណ៍អូឡាំពិក ដោយអ្នកប្រដាល់រូបនេះទទួលបានត្រឹមមេដាយសំរិទ្ធតែប៉ុណ្ណោះ ស្របពេលដែលដៃគូប្រកួតរបស់ Floyd ឈ្នះដោយការកាត់សេចក្តីរបស់ចៅក្រម។
២១មួយឆ្នាំបន្ទាប់ពីបញ្ចប់ព្រឹត្តការណ៍អូឡាំពិក កំណត់ត្រាប្រកួតរបស់ Floyd ក៏ចាប់ផ្តើមកើតមានឡើង ហើយក៏បន្តរហូតមកទល់បច្ចុប្បន្ន ឈ្នះ៤៩ មិនដែលចាញ់ និងមិនដែលស្មើ។
ចំពោះការប្រកួតបន្ទាប់របស់ Floyd វិញ នឹងត្រូវប៉ះគ្នាជាមួយកំពូលអ្នកប្រយុទ្ធមកពីស្ថាប័ន UFC កីឡាករ Conor McGregor នៅថ្ងៃទី២៦ ខែសីហា ឆ្នាំ២០១៧ ខាងមុខនេះ៕
ទស្សនាវីដេអូនៅខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]