វីធីងាយៗ ធ្វើម៉ាស់ផ្សំជាមួយគ្រាប់ថ្នាំអាស្ពីរីន ដែលអាចព្យាបាល បញ្ហាកើតមុនលើមុខ បានយ៉ាងអស្ចារ្យ!

ថ្នាំអាស្ពីរីន​ (Aspirin) ដែលគ្រប់គ្នាបានស្គាល់ថាជាគ្រាប់ថ្នាំពេទ្យ សម្រាប់បំបាត់ការឈឺចាប់នោះ  ក៏មានប្រសិទ្ធភាពក្នុងការព្យាបាលការកើតមុនលើផ្ទៃមុខផងដែរ តែលើកនេះយើងមិនមែនយកវាមកលេបនោះទេ។ ខាងក្រោមនេះជាវិធីសាស្រ្ត ក្នុងការបង្កើតល្បាយម៉ាស់ថ្នាំអាស្ពីរីន តាមវិធីងាយៗដោយខ្លួនឯង៖

គ្រឿងផ្សំ

- ថ្នាំគ្រាប់អាស្ពីរីន

- ទឹកក្រូចឆ្មាស្រស់ 

- ទឹកឃ្មុំ  ឬ ទឹកដោះគោជូរធម្មជាតិ

វិធីធ្វើ

- កិនគ្រាប់ថ្នាំអាស្ពីរីនឱ្យហ្មត់ក្លាយជាល្បាយម្សៅ

-  លាយជាមួយទឹកក្រូចឆ្មាឱ្យសមល្មមស្មើសាច់ (មិនរាវពេក មិនខាប់ខ្លាំងពេក )

- រួចបន្ថែមទឹកឃ្មុំ  ឬទឹកដោះគោរជូរ ១ ឬ ២ ដំណក់ ដើម្បីបន្ថែមឱ្យល្បាយស្អិតរមួតល្អ ហើយកាន់តែមានប្រសិទ្ធភាពក្នុងការព្យាបាល និងធ្វើឱ្យស្បែកមុខរលោងស្អាត

- រួចយកល្បាយមួយនេះមកលាបត្រង់ចំនុចត្រង់ផ្ទៃមុខកន្លែងដែលកើតមានបញ្ហាមុន រយៈពេល ១០នាទី សឹមលាងសំអាតមុខចេញ ដោយទឹកក្តៅអ៊ុនៗជាការស្រេច។

- អនុវត្តមួយថ្ងៃ ១  ឬ ២ ដង រហូតដល់ជាសះស្បើយ។ 

ល្បាយម៉ាស់ផ្សំពីអាស្ពីរីនមួយប្រភេទនេះ មានគុណប្រយោជន៍យ៉ាងច្រើនដែលអាចជួយព្យាបាលមុនឱ្យជាសះស្បើយ កម្ចាត់មុខដែលក្រហម ប្រឆាំងនិងព្យាបាលការរលាកបានយ៉ាងមានប្រសិទ្ធភាព។

ចំណាំ៖ 

សូមកុំប្រើម៉ាស់ដែលផ្សំពីថ្នាំអាស្ពីរីននេះ ប្រសិនបើអ្នកមានបញ្ហាអាឡែស៊ីទៅនឹងថ្នាំអាស្ពីរីន ឬអាចសាកល្បងប្រើប្រាស់លើដៃ និងលើ_ក របស់អ្នកជាមុនសិនមុននឹងប្រើប្រាស់លើផ្ទៃមុខ៕