(ភ្នំពេញ)៖ ពិធីការិនី កញ្ញា សោម ស្រីនាថ ដែលមានឈ្មោះ ជាកូនកំព្រា ក្រោយម្ដាយទទួលមរណភាពដោយសារជម្ងឺមហារីកដ៏កាចសាហាវ និង បានបន្សល់ទុកនាងជាកូនស្រីច្បង រួមទាំងប្អូនប្រុសចំនួន ២នាក់ នៅក្នុងបន្ទុក។
ដោយខ្លួនជាបងស្រី និងត្រូវទទួលបន្ទុកគ្រួសារបន្ទាប់ពីឪពុកម្ដាយនោះ ទោះបីជានាងមានការលំបាកច្រើនយ៉ាងណាក៏ដោយ នាងនៅតែមានទឹកចិត្តសប្បាយរីករាយជានិច្ចក្នុងនាមជាបងស្រី ពេលដែលឃើញប្អូនប្រុសខិតខំរៀនសូត្រ ប្រកបដោយគន្លងធម៌។
កញ្ញា សោម ស្រីនាថ បានសរសេរបង្ហោះក្នុងគណនីហ្វេសប៊ុកផ្ទាល់ខ្លួនរបស់នាងថា «អានិតណាស់ បងសប្បាយចិត្ត ដែលប្អូនចេះតស៊ូរៀនបែបនេះ បងដឹងអ្វីដែលប្អូនៗចង់បានពីបងរាល់ថ្ងៃមានតែលុយទៅរៀន លុយរៀនគួរ និងលុយរៀនអង់គ្លេស មិនដែលចង់បានអ្វីពីបង ខ្លាចបងពិបាកព្រឹក៏ទៅរៀនតាំងពី ម៉ោង៦ព្រឹក យប់រៀនខ្លួនឯងដល់ម៉ោងជិត១យប់» ។
ពិធីការិនីញញឹមស្រស់ កញ្ញា សោម ស្រីនាថបានបន្ដថា «អ្នកមិនធ្វើឲ្យបងខកចិត្តទេ ខ្ញុំរឹតតែមានកំលាំងតស៊ូ ព្យាយាមធ្វើការដើម្បីប្អូនៗ អរគុណដែលមិនដែលធ្វើឲ្យបងពិបាកចិត្ត .អ្នកទាំងពីជាកំលាំងចិត្តដ៏ធំបំផុត»។
ជាការពិតណាស់ កញ្ញា សោម ស្រីនាថ ទោះបីជានាងមានការលំបាកតស៊ូច្រើនយ៉ាងណាក៏ដោយ តែនាងមិនអស់សង្ឃឹមនោះទេ ផ្ទុយទៅវិញ នាងរឹតតែមានកំម្លាងចិត្តថែមទៀតពេលឃើញប្អូនៗរបស់នាងមិនធ្វើឲ្យនាងអស់សង្ឃឹម លើសពីនេះ នាងជាបងស្រីមួយរូបដែលមានទំនួលខុសត្រូវខ្ពស់ចំពោះគ្រួសារ ទោះបីជាម្ដាយបានឃ្លាតឆ្ងាយគ្មានថ្ងៃវិលត្រលប់ក៏ដោយ។
ជាមួយគ្នានឹងការខិតខំតស៊ូបែបនេះ ធ្វើឲ្យទស្សនិកជន និង មិត្តៗរួមអាជីពជាច្រើន បានកោតសរសើរ និង ផ្ដល់កម្លាំងចិត្តឲ្យនាងគ្រប់គ្នា៕
ប្រភព៖ Khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]