អង់គ្លេស៖ ការប្រកួតពានរង្វាន់បើករដូវកាល ឫ FA Community Shield រវាងក្រុមតោខៀវ Chelsea ទល់នឹងក្រុមកាំភ្លើងធំ Arsenal បានបញ្ចប់ទៅដោយ Arsenal យកឈ្នះ Chelsea ដោយបាល់កាត់សេចក្ដីប៉េណាល់ទីក្នុងលទ្ធផល ៤-១ ក្រោយការប្រកួតម៉ោងធម្មតាស្មើគ្នា ១-១។
ការប្រកួតក្នុងតង់ទី១ ក្រុមទាំង២ ធើ្វការសម្រុកគ្នាទៅវិញទៅមក ប៉ុន្ដែពុំអាចស៊ុតបញ្ចូលទីគ្នាបានទេ។ ឈានចូលដល់តង់ទី២ បានត្រឹម១នាទី ពោលគឺក្នុងនាទី៤៦ ខែ្សបម្រើ Victor Moses ស៊ុត១គ្រាប់ ធើ្វឲ្យ Chelsea នាំមុខមុន ១-០។
Arsenal បានព្យាយាមសម្រុករហូតដល់នាទី៨១ កីឡាករចំណូលថ្មី Sead Kolasinac បានស៊ុតគ្រាប់តាមស្មើឲ្យក្រុមកាំភ្លើងធំ ដែលលទ្ធផល ១-១ រក្សាររហូតដល់ចប់ការប្រកួត។
ចូលដល់វគ្គទាត់បាល់ប៉េណាល់ទីកាត់សេចក្ដី គឺក្រុមម្ចាស់ពាន Premier League, Chelsea ស៊ុតចូលបានត្រឹម១គ្រាប់ប៉ុណ្ណោះ ខណៈដែលក្រុមម្ចាស់ពាន FA Cup ស៊ុតចូលបាន៤គ្រាប់ ធើ្វឲ្យ Arsenal ក្លាយជាម្ចាស់ពានរង្វាន់ FA Community Shield ឆ្នាំ២០១៧៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
