មកមើល ព្រាប សុវត្ថិ ឡើងច្រៀងនៅប៉ុស្តិ៍លេខ៥ កាលជំនាន់នោះ សង្ហាណាស់តើ! (មានវីដេអូ)

ភ្នំពេញ៖ កំពូលតារាចម្រៀងជើងចាស់លោក ព្រាប សុវត្ថិ បានក្លាយទៅជាតារាសំណព្វចិត្តនៅក្នុងបេះដូងរបស់អ្នកគាំទ្រ ជាច្រើនរូបនៅទូទាំងប្រទេស អស់រយៈពេលជាយូរឆ្នាំណាស់មកហើយ។  

ហើយបច្ចុប្បន្ននេះលោក ព្រាប សុវត្ថិ ក៏នៅតែជាតារាកំពូលមួយដួង នៅក្នុងចិត្តរបស់អ្នកគាំទ្រស្ទើរតែគ្រប់វ័យ មិនថាកុមារ ឬមនុស្សធំនោះទេ ដោយសារតែទឹកដមសម្លេងរបស់ខ្លួន និងកេរ្តិ៍ឈ្មោះជាតារាប្រុស ដែលគ្មានរឿងអាស្រូវទាល់តែសោះ។

លោក ព្រាប សុវត្ថិ បានចាប់អាជីពជាអ្នកសិល្បៈចម្រៀង អស់រយៈពេលមិនតិចជាង២០ឆ្នាំនោះទេ ហើយសព្វថ្ងៃនេះកេរ្តិ៍ឈ្មោះរបស់លោក ក៏នៅតែមានភាពល្បីល្បាញដដែល នៅក្នុងស្រទាប់មហាជន និងត្រូវបានគេគាំទ្រថាជាសិល្បៈរៀមច្បងគំរូម្នាក់ផងដែរ។

ចុះរំលឹកទៅដល់អនុស្សាវរីយ៍កាលពីជាង១០ឆ្នាំមុនវិញ លោកព្រាប សុវត្ថិ មានរូបរាង និងស្ទាយនៃការតុបតែងខ្លួនបែបណាដែរ?

ជាការពិតណាស់ថ្មីៗនេះអ្នកលេងបណ្តាញទំនាក់ទំនងសង្គមហ្វេសប៊ុក បានធ្វើការចែករំលែកបន្តៗគ្នា នូវវីដេអូបទចម្រៀងរបស់លោក ព្រាប សុវត្ថិ មួយបទដែលមានចំណងជើងថា «ខ្មៅស្រែ» បកស្រាយនៅលើឆាកតន្រ្តីរបស់ស្ថានីយទូរទស្សន៍ប៉ុស្តិ៍លេខ៥ ដែលជាបទល្បីខ្លាំងនៅឆ្នាំនោះ ដោយមានអ្នកគាំទ្រពេញចិត្តនៅខាងមុខឆាកយ៉ាងច្រើនកុះករ។

ហើយអ្វីដែលរឹតតែពិសេសនោះគឺការតុបតែងខ្លួន និងម៉ូតសក់របស់លោកពិតជាសង្ហាប្លែក ហើយល្បីខ្លាំងណាស់ កាលពីជំនាន់ឆ្នាំនោះ។ អ្នកដែលបានឃើញហើយពិតជាប្លែកអារម្មណ៍យ៉ាងខ្លាំង។

សុំសរសើរកំពូលតារាចម្រៀង ព្រាប សុវត្ថិ មានភាពល្បីល្បាញ និងមានការគាំទ្រខ្លាំង រហូតមកដល់សព្វថ្ងៃនេះ៕

ទស្សនាវីដេអូចម្រៀងរបស់លោកដូចខាងក្រោមនេះ៖ 

• ព្រាប សុវត្ថិ
• ចម្រៀង
• វីដេអូ