(ភ្នំពេញ)៖ លោក អ៊ូ រតនា អនុប្រធានសហព័ន្ធកីឡាវ៉ូវីណាមកម្ពុជា បានថ្លែងប្រាប់ឲ្យដឹងថា ថ្ងៃទី០៣ ខែសីហានេះក្រុមអត្តពលិកកម្ពុជា បានដណ្ដើមបានមេដាយ ៦គ្រឿងបន្ថែមទៀតហើយ នៅក្នុងការប្រកួតកីឡាវ៉ូវីណាមជ្រើសរើសជើងឯកពិភពលោក លើកទី៥ នៅទីក្រុងញូដេលី ប្រទេសឥណ្ឌា ខណៈការប្រកួតសល់មួយថ្ងៃទៀត ទើបបញ្ចប់ទាំងស្រុង ។
ប្រធានប្រតិភូខាងលើ បានបញ្ជាក់ប្រាប់ Fresh News ឲ្យដឹងថា មេដាយទាំង៦គ្រឿង ដែលទើបដណ្ដើមបានបន្ថែមលើមេដាយឈ្នះកាលពីម្សិលមិញ គឺមានមេដាយមាស១គ្រឿង ដណ្ដើមបានលើវិញ្ញាសាសម្ដែងជាក្រុមនារីម្នាក់ និងបុរស ៣នាក់ប្រើអាវុធ រួមទាំងមេដាយប្រាក់២ និងមេដាយសំរឹទ្ធ៣។ សរុបមកពេលនេះក្រុមកីឡាវ៉ូវីណាមកម្ពុជាដណ្ដើមបានមេដាយ១៧គ្រឿងហើយ រួមមានមេដាយមាស៣ មេដាយប្រាក់ ៧ និងមេដាយសំរឹទ្ធ ៧ ។
គួរបញ្ជាក់ថា ការប្រកួតកីឡាវ៉ូវីណាមជ្រើសរើសជើងឯកពិភពលោក លើកទី៥ ដែលឥណ្ឌាទទួលសិទ្ធិធ្វើជាម្ចាស់ផ្ទះឆ្នាំនេះ គឺធ្វើឡើងរយៈពេល ៣ថ្ងៃ ចាប់ពីថ្ងៃទី០៣-០៥ ខែសីហានេះ នៅទីក្រុងញូដេលី ដោយមាន ២២ប្រទេសចូលរួម។ យ៉ាងណាមមិញកម្ពុជា នៅមាន ៤វិញ្ញាសាទៀត ដែលត្រូវប្រកួតនាថ្ងៃទី០៥ ខែសីហាស្អែក ដើម្បីដណ្ដើមយកមេដាយជូនជាតិបន្ថែម៕
ប្រភព៖ Fresh News
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]