បរទេស៖ ខ្សែប្រយុទ្ធឆ្នើមរបស់ក្រុមជម្រើសជាតិប្រេស៊ីល Neymar បានធ្វើការផ្ទេរពីក្លិប Barcelona ទៅចួលរួមជាមួយក្លិបអ្នកមាននៅបារាំង PSG ជាផ្លូវការហើយ ជាមួយនឹងកុងត្រារយៈពេល៥ឆ្នាំ ក្នុងតម្លៃខ្លួន ១៩៨លានផោន (២៦០លានដុល្លារ)។
ជាមួយនឹងការផ្ទេរនេះ Neymar បានក្លាយជាកីឡាករបាល់ទាត់ដែលមានតម្លៃខ្លួនថ្លៃជាងគេបង្អស់នៅលើពិភពលោក។
យ៉ាងណាមិញ ពាក់ព័ន្ធនឹងការផ្ទេរនេះដែរ គឺជារឿងដ៏ពិបាកមួយសម្រាប់ Neymar ធ្វើការសម្រេចិត្ត ព្រោះក្លិប Barcelona បានផ្តល់អ្វីៗគ្រប់យ៉ាងដល់រូបគេ ក៏ដូចជាធ្វើឲ្យគេមានភាពល្បីល្បាញមកទល់បច្ចុប្បន្ននេះផងដែរ។ នេះបើយោងទៅលើសម្តីរបស់ Neymar តាមរយៈវីដេអូដែលគេបានបង្ហោះផ្ញើចំពោះក្លិប។
យោងតាមវីដេអូដដែលបានបញ្ជាក់ទៀតថា ឪពុករបស់ Neymar ក៏បានឃាត់ឲ្យគេនៅបន្តជាមួយក្លិប Barcelona ផងដែរ ប៉ុន្តែកីឡាកររូបនេះបានសម្រេចចិត្តរួចរាល់ហើយក្នុងការចាកចេញ ព្រោះរូបគេត្រូវការ ការប្រកួតប្រជែងថ្មីមួយទៀត ហើយ PSG ក៏បានដាក់សំណើរ នឹងផ្តល់នូវអ្វីៗគ្រប់យ៉ាងដែលគេចង់បាន។
Neymar ក៏បានថ្លែងអំណរគុណដល់ក្លិប Barcelona ផងដែរ ជាពិសេសចំពោះកីឡាករ Lionel Messi។
ខ្សែប្រយុទ្ធវ័យ២៥រូបនេះ សឹងតែមិនជឿថា ខ្លួនបានលេងជាមួយកីឡាករល្អលើលោក Lionel Messi ហើយបានចាប់ដៃគូគ្នាជាមួយខ្សែប្រយុទ្ធម្នាក់ទៀតគឺ Luis Suarez ដែលត្រូវបានគេស្គាល់ឈ្មោះថា MSN ជាដៃគូប្រយុទ្ធដែលគ្មានគូប្រៀប៕
ដូច្នេះចង់ដឹងថា នៅឃ្លីបវីដេអូយ៉ាងណានោះ ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]