បរទេស៖ ការផ្ទេរពីក្លិបយក្សអេស្ប៉ាញ Barcelona របស់កីឡាករ Neymar Jr ទៅកាន់ក្លិបអ្នកមាននៅបារាំង PSG នឹងប្រព្រឹត្តឡើងជាផ្លូវការឆាប់ៗនេះ ក្រោយមានព័ត៌មានជាច្រើនបានចុះផ្សាយថា ខ្សែប្រយុទ្ធវ័យ២៥ឆ្នាំរូបនេះ បានព្រមព្រៀងរួចរាល់ហើយក្នុងការចុះកុងត្រារយៈពេល៥ឆ្នាំ ជាមួយតម្លៃខ្លួនថ្លៃជាងគេលើលោក ១៩៨លានផោន (២៦៣លានដុល្លារ) ។
បើតាម BBC Sports បានបញ្ជាក់ថាឲ្យដឹងថា នៅពេលដែល Neymar ក្លាយជាកីឡាករផ្លូវការរបស់ PSG ហើយនោះ ខ្សែប្រយុទ្ធរបស់ប្រេស៊ីលរូបនេះ នឹងទទួលបានប្រាក់ចំនូលពលកម្មខ្ពស់កប់ពពក រហូតដល់ ៤០.៣លានផោន (៥៣.៣ លានដុល្លារ) ក្នុងមួយឆ្នាំ ។
គួរបញ្ជាក់ថា Neymar ត្រូវបានអនុញ្ញាតពីគ្រូបង្វឹក ដោយមិនចាំបាច់ធ្វើការហ្វឹកហាត់កាលពីម្សិលមិញ ហើយខ្សែប្រយុទ្ធវ័យ២៥ឆ្នាំរូបនេះ ក៏បានមកលាមិត្តរួមក្រុមចុងក្រោយផងដែរ មុននឹងសម្រេចចាកចេញពីក្លិប Barcelona។
ចំនែកអ្នកគាំទ្រ Barcelona ជាច្រើនក៏មានការសោកស្តាយផងដែរ ក្រោយពីមានសមាជិកម្នាក់ក្នុងចំណោម MSN បានចាកចេញទៅយ៉ាងដូច្នេះ ហើយពួកគេបានលើកឡើងថា នឹងលែងបានឃើញ MSN ដូចមុនទៀតហើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]