ស្ងាត់ៗ សុគន្ធ ថេរ៉ាយុ ដូរឡានថ្មីទៀតហើយ តែលើកនេះ បែរជាមកជិះឡាននេះ!

ភ្នំពេញ៖ តារាចម្រៀងប្រុស ចូលចិត្តលេងម៉ូតរថយន្ត លោក សុគន្ធ ថេរ៉ាយុ ជារឿយៗអ្នកគាំទ្រតែងសង្កេតឃើញថា លោកតែងតែងផ្លាស់ប្តូរឡើងម៉ូតរថយន្ត ជាញឹកញាប់។

ក៏ដូចជាកាលពីមួយរយៈមុននេះ លោកក៏បានផ្លាស់ប្តូរពីជិះឡានម៉ាក Lexus 570 មកជិះឡានទំនើបថ្មីមួយទៀត ម៉ាក Porsche វិញម្តង ។

ដោយឡែក អ្វីដែលគួរឲ្យចាប់អារម្មណ៍ទៅទៀតនោះ ខណៈលោកប្តូររថយន្តថ្មី ម៉ាករថយន្ត Porsche មិនបានប៉ុន្មានផង ក៏ស្រាប់តែថ្មីៗនេះ តារាចម្រៀងប្រុសរូបនេះ ក៏បានលក់រថយន្តទំនើបនេះចេញ បែរមកជិះរថយន្តម៉ាក Lexus  Rx330 ដែលមានតម្លៃទាបជាង រថយន្តចាស់ទៅវិញ។

ទាក់ទងទៅនឹងការប្តូររថយន្តនេះផងដែរ មានអ្នកគាំទ្រក៏ដូចជាមិត្តភក្តិរបស់លោកជាច្រើន មានការងឿងឆ្ងល់ និងបានComment សួរនៅលើគណនីហ្វេសប៊ុករបស់លោកផងដែរ។ ហើយក្នុងនោះលោក សុគន្ធ ថេរ៉ាយុ ក៏បានឆ្លើយតបវិញថា មកពីអត់លុយទើបលក់រថយន្តថ្លៃ មកទិញរថយន្តដែលមានតម្លៃទាបជាងបែបនេះ។

ប៉ុន្តែមិនថាយ៉ាងណា បណ្តាអ្នកលេងហ្វេសប៊ុកក៏នៅតែមិនជឿ ហើយក៏មិនទាន់ដឹងពីមូលហេតុពិតប្រាកដ ពីការផ្លាស់ប្តូររថយន្តមួយនេះផងដែរ៕  

• ម៉ូត