ក្លាហានមែន! ប្រុសសង្ហាម្នាក់នេះ ធ្លាប់បាត់បង់មិត្តភក្តិ និងគ្រួសារ ព្រោះតែបំណងប្រាថ្នាដ៏មហិមាមួយ

អាមេរិក៖ អ្នកប្រហែលជានឹកស្មានមិនដល់ទេថា បុរសសង្ហា សាច់ដុំធំៗ កែវភ្នែកពណ៌ខៀវ និងស្បែកសភ្លឺរលោងនេះ គឺជាស្រីកែភេទជាប្រុស។

គួររម្លឹកថាកាលពីឆ្នាំ ២០១៥ លោក Jaimie Wilson បានធ្វើឲ្យបងប្អូន និងមិត្តភក្តិរបស់គេជាច្រើន មានភាពភ្ញាក់ផ្អើល ដោយសារការសម្រេចចិត្តផ្លាស់ប្តូររូបរាងរបស់ខ្លួន ពីនារីទៅជាបុរសវិញ។ ការផ្លាស់ប្តូរនេះ បានធ្វើឲ្យយុវជនវ័យ២១ឆ្នាំរូបនេះ ត្រូវឃ្លាតឆ្ងាយពីមិត្តភក្តិព្រមទាំងក្រុមគ្រួសារទៀតផង។

លោក Jaimie បានសរសេរនៅក្នុងគណនី Instagram របស់ខ្លួនដែលមានអ្នកគាំទ្រដល់ទៅជាង ៣០០ ០០០នាក់ថា “ដំបូង ខ្ញុំមិនហ៊ានបង្ហាញថា ខ្ញុំជាស្រីកែភេទទៅជាប្រុសទេ ដោយសាររូបរាងខ្ញុំមិនដូចប្រុសបន្តិចសោះ”។ ប៉ុន្តែបន្ទាប់ពីគេបានទទួល ការព្យាបាលអ័រម៉ូន ការវះកាត់កែសម្ភស្ស និងហាត់ប្រាណបាន២ឆ្នាំមក  ក៏បានកែប្រែខ្លួនឯងទៅជាបុរសពិតៗដូចក្តីស្រមៃមែន។

នេះពិតជាការផ្លាស់ប្តូរដ៏អស្ចារ្យមែន! កាលពីមុនធ្លាប់តែមានគេនិយាយថា Jaimie មានរូបរាងជាមនុស្សស្រីជ្រុលដល់ថ្នាក់មិនអាចកែជាប្រុសបាន ប៉ុន្តែនៅពេលនេះ បែរជាមានគេនិយាយថា Jaimie មានសាច់ដុំធំជ្រុលទៅវិញ។ 

លោក Jaimie បាននិយាយទៅកាន់សារព័ត៌មាន Cosmopolitan កាលពីខែមីនា ឆ្នាំ ២០១៧ ថា “គ្រប់គ្នានិយាយថា ខ្ញុំប្រឹងប្រែងជ្រុលពេកហើយ ដើម្បីបានរូបរាងដូចមនុស្សប្រុសពិតៗនេះ”។ គេក៏បាននិយាយជាចុងក្រោយថា “អ្នកមិនមែនជាមនុស្សដូចអ្នកដទៃគិតទេ មានតែអ្នកទេ ដែលដឹងច្បាស់ថាខ្លួនឯងជានរណា”៕

សូមទស្សនាភាពខុសគ្នារបស់ Jaimie ពេលនៅជាស្រី និងពេលផ្លាស់ប្តូរជាប្រុសសង្ហា តាមរយៈរូបភាពខាងក្រោមនេះ៖

• គ្រួសារ
• ជីវិត
• ជំរុញទឹកចិត្ត