រាជធានីភ្នំពេញ ៖ លោកឧត្តម បញ្ញា ដែលធ្លាប់មានឈ្មោះជាអ្នកដឹកនាំសម្តែង និងជាអ្នកនិពន្ធវ័យក្មេង ក្រោយពេលឪពុកម្តាយលាចាកលោក ព្រមៗគ្នា បានសម្រេចចិត្តវិលរកការងារវិញហើយ។ លោកឧត្តម បញ្ញា សម្លឹងឃើញបទចម្រៀងរបស់អ្នកនាងទូច ស្រីលក្ខណ៍ សម្រាប់ថតជាខារ៉ាអូខេក្រោយពេលមានការពេញនិយម ។
អ្នកនាងទូច ស្រីលក្ខណ៍ តាមរយៈហ្វេសបុ៊ក បានផ្សាយបទចម្រៀងមនោសញ្ចេតនាមានចំណងជើងថា «សុភមង្គលមិនមែនស្ថិតនៅលើលុយមួយមុខ» ហើយមានការចាប់អារម្មណ៍ខ្លាំង ។ ដោយយល់ថាបទចម្រៀង«សុភមង្គលមិនមែនស្ថិតនៅលើលុយមួយមុខ» មានការពេញនិយម និងអណ្តែតអណ្តូងបង្កប់អត្ថន័យចាក់ដោតរឿងប្តីប្រពន្ធនោះ អ្នកដឹកនាំរឿងវ័យក្មេងលោកឧត្តម បញ្ញា បានសម្រេចយកបទនេះថតជាអឹមវី ។
លោកឧត្តម បញ្ញា ជាអ្នកដឹកនាំសម្តែងកាលពីពេល ថ្មីៗកន្លងមកបញ្ជាក់ថា លោកបាននិយាយជាមួយអ្នកនាងទូច ស្រីលក្ខណ៍ យកបទចម្រៀង«សុភមង្គលមិនមែនស្ថិតនៅលើលុយមួយមុខ» ថតជាអឹមវីបែបខារ៉ាអូខេបង្កប់ការសម្តែងជាសាច់រឿង ។ សាច់រឿងនេះលោកកំពុងជ្រើសរើសតារាសម្តែងមួយចំនួន ។ តួសម្តែងមិនសំខាន់ល្បី ឬមិនល្បីទេ ឲ្យតែមានទេពកោសល្យសម្តែងបានល្អ ។
លោកឧត្តម បញ្ញា បន្តថា អ្នកនាងទូចស្រីលក្ខណ៍ ត្រៀមថតបទចម្រៀង ថ្មីៗជាច្រើនទៀត ក្រោមការដឹកនាំរបស់លោកឆ្លើយតបនឹងការគាំទ្រពីប្រិយមិត្តទស្សនិកជន ដែលកំពុងចាប់អារម្មណ៍នាងមួយរយៈចុងក្រោយនេះ ។ បទ«សុភមង្គលមិនមែនស្ថិតតែលើលុយមួយមុខ»នឹងចេញផ្សាយនាពេល ឆាប់ៗនេះដើម្បីឲ្យទាន់ការរង់ចាំរបស់ទស្សនិកជន ។
លោកឧត្តម បញ្ញា ជាអ្នកដឹកនាំសម្តែង អ្នកនិពន្ធ និងពិធីករ ធ្លាប់រៀបចំកម្មវិធីការប្រគំតន្ត្រីកម្សាន្តក្នុងតំបន់ឌ្រីមលេន ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]