សិង្ហបុរី៖ បុរសអាស៊ីសញ្ជាតិសិង្ហបុរីម្នាក់ មានរូបរាងយ៉ាងស្រស់សង្ហា មិនចាញ់ក្មេងៗកម្លោះៗប៉ុន្មានទេ ហើយបើដឹងពីអាយុពិតរបស់គាត់ទៀតនោះ រឹតតែធ្វើឲ្យអ្នកនឹកស្មានមិនដល់។
បុរសសង្ហា ChuanDo Tan ឬគ្រប់គ្នាតែងស្គាល់គាត់ថា CD បច្ចុប្បន្ន មានអាយុ៥០ឆ្នាំ ទៅហើយ។ ពីមុនលោក Tan ធ្លាប់ជាអតីតតារាម៉ូដែល និងអ្នកច្រៀងប៉ុបម្នាក់ដែរ ប៉ុន្តែលោកបានបោះបង់អាជីពនោះចោល ដោយងាកមកចាប់អារម្មណ៍ លើការងារដែលជាចំណង់ចំណូចិត្តរបស់ខ្លួនវិញ គឺខាងផ្នែកថតរូប។
ជីវិតការងាររបស់លោក Tan ហាក់បីដូចជាស្ងប់ស្ងាត់បន្តិច បន្ទាប់ពី បោះបង់អាជីពជាតារាចម្រៀង ប៉ុន្តែមួយរយៈពេលចុងក្រោយនេះ សន្ទុះប្រជាប្រិយភាព ហាក់ដូចជាលោតឡើងវិញ ជាពិសេសនៅលើបណ្តាញសង្គមតែម្តង ក្រោយពីមានសារព័ត៌មានក្នុងស្រុក បានចុះផ្សាយអំពីរូបរាងដ៏ស្រស់សង្ហារបស់លោករួចមក។
លោក Tan បានរៀបរាប់ប្រាប់ថា លោកតែងតែហាត់ប្រាណជាទៀងទាត់ និងចៀសវាងការងូតទឹកយប់ជ្រៅ និងព្រឹកព្រលឹមពេក ដែលនេះហើយជាអាថ៌កំបាំងតែមួយគត់ ដែលជួយដល់សុខភាពរាងកាយ និងផ្ទៃមុខដ៏ភ្លឺថ្លារបស់លោក។ លើសពីនេះ លោក Tan ក៏តែងតែទទួលទានសាច់មាន់ហៃណាំ (Hainan Chicken) ជាទៀងទាត់ដែរ ដើម្បីជំនួយដល់សុខភាព៕
ទស្សនាវីដេអូ និងរូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]