ថៃ៖ កាលពីថ្ងៃទី២៣កក្កដា កន្លងទៅនេះ វេលាម៉ោង ១ រសៀល តារាសម្តែងស្រី Bella Ranee ត្រូវបានក្រុមការងារ បញ្ជូនទៅកាន់មន្ទីរពេទ្យជាបន្ទាន់ ខណៈនាងមានអាការៈឈឺក្បាល ឈឺពោះ ក្អួត ញ័រដៃញ័រជើង និងបានដួលសន្លប់ នៅកន្លែងថតរឿង របស់ប៉ុស្តិ៍លេខ៣។
នាងត្រូវបានក្រុមការងារ បញ្ជូនទៅកាន់មន្ទីរពេទ្យ Vichaivej International ភ្លាមៗដែលជាមន្ទីរពេទ្យ នៅជិតកន្លែងថតបំផុត។ ហើយតាមការពិនិត្យរបស់គ្រូពេទ្យ ក៏បានឱ្យដឹងថា តារាសម្តែងស្រី Bella Ranee មានការពុលអាហារ និងការរលាកពោះវៀនផង ដែលតម្រូវឱ្យមានការសម្រាកនៅក្នុងមន្ទីរពេទ្យ ១-២ ថ្ងៃផងដែរ។
ក្នុងនោះដែរ នៅម៉ោង៧ល្ងាច ថ្ងៃដដែលកញ្ញា Bella Ranee ក៏មានអាការៈប្រសើរជាងមុនបន្តិច នាងក៏ត្រូវបានបញ្ជូនទៅកាន់មន្ទីរពេទ្យ Samitivej Sukhumvit វិញ ដើម្បីតាមដានមើលអាការៈឱ្យបានល្អិតល្អន់។
ទន្ទឹមនឹងនេះម្តាយរបស់តារាសម្តែងស្រីរូបនេះ ក៏នៅមើលថែកូនស្រីដោយក្តីបារម្ភ។ ចំណែកឯក្រុមការងារថត ក៏ត្រូវផ្អាករង់ចាំឱ្យសុខភាពនាង មានភាពល្អប្រសើរឡើងវិញដែរ ទើបបន្តការងារនេះទៅមុខទៀត៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]