វីដេអូឃ្លីប ក្មេងខ្មែរចាប់ពស់ធ្វើម្ហូប «ស្ងោរជ្រក់» កំពុងទទួលបានការចាប់អារម្មណ៍ខ្លាំង ល្បីដល់បរទេស (មានវីដេអូ)

ថ្មីៗនេះវីដេអូឃ្លីប ក្មេងៗខ្មែរមួយក្រុម បាននាំគ្នាចាប់សត្វពស់ថ្លាន់មួយក្បាលធ្វើម្ហូប កំពុងទទួលបានការចាប់អារម្មណ៍លើអ៊ីនធើណែត រហូតល្បីដល់វេបសាយបរទេសចុះផ្សាយថែមទៀតផង។

ក្មេងៗចំនួន៣នាក់ ដែលមានអាយុជាង១០ឆ្នាំតិចតួច បាននាំគ្នាកោសស្រកាពស់ ឆូតវះយកគ្រឿងក្នុងចេញ  និងកាប់ជាកង់ៗ ធ្វើម្ហូបទទួលទាន។

ក្មេងៗទាំងអស់នោះ បានដាំទឹកក្តៅដើម្បីស្រុសពស់  និងលាងសម្អាត មុនយកពស់នោះទៅដាក់ឆ្អើរលើភ្លើង។  ខ្លះទៀតធ្វើគ្រឿង  ហាន់គល់ស្លឹកគ្រៃ និងក្រូចឆ្មារជាដើម ដើម្បីរៀបចំស្លសម្ល ដែលគេអាចស្គាល់ថាជាសម្លស្ងោរជ្រក់។

វីដេអូឃ្លីបនេះ ត្រូវបានបង្ហោះចែកចាយបន្តដោយទំព័រហ្វេសប៊ុកផេកថៃមួយ ទទួលបានអ្នកចុចចូលមើល  ជាង៨ម៉ឺនដងក្នុងរយៈពេលមួយថ្ងៃ។  អ្នកនិយមលេងបណ្តាញសង្គមជាច្រើន បាននាំគ្នាបញ្ចេញមតិភ្ញាក់ផ្អើលដែលក្មេងៗទាំងអស់នោះ  មានសមត្ថភាពធ្វើម្ហូបបានដោយខ្លួនឯង ហាក់បីដូចជាមានជំនាញយ៉ាងខ្លាំង៕

ចង់ដឹងថាយ៉ាងណានោះ ទស្សនាវីដេអូឃ្លីបខាងក្រោមនេះទាំងអស់គ្នា៖ 

• វីដេអូ