ខេត្តកំពត ៖ សេចក្តីរាយការណ៍ឱ្យដឹងថា បុរសម្នាក់ធ្វើសកម្មភាពចាប់រំលោភលើក្មេងស្រីនៅក្នុងអង្រឹង ប៉ុន្តែការប៉ុនប៉ងនេះមិនបានសម្រេច កើតឡើងកាលពីវេលាម៉ោងប្រហែល១០ ទៅ១១ព្រឹកថ្ងៃទី១៨ កក្កដា កន្លងមក ទើបតែបែកធ្លាយដល់ម្តាយនាងនៅពេលនេះ ។
សេចក្តីរាយការណ៍បន្តថា ជនសង្ស័យខាងលើឈ្មោះតេង ខ្នេង អាយុ៣៧ឆ្នាំ ត្រូវឃាត់ខ្លួន ។ ដោយឡែក ក្មេងស្រីរងគ្រោះមានអាយុ៦ឆ្នាំ មានម្តាយធ្វើការនៅរាជធានីភ្នំពេញ ។ សព្វថ្ងៃនាងតូច ត្រូវម្តាយទុកឱ្យនៅជាមួយជីដូនមើលថែ ។ មុនពេលបែកធ្លាយរឿងនេះ គឺខណៈម្តាយមកលេងផ្ទះបានហៅកូនស្រីមកណែនាំ កុំឱ្យចូលចិត្តិទៅដើរលេងនៅផ្ទះរបស់ជនសង្ស័យ ។
នៅដែលពេលម្តាយណែនាំនោះ ស្រាប់តែក្មេងស្រីប្រាប់វិញម្តាយថា ជនម្នាក់នេះបានរំលោភនាងរួចហើយ ម្តាយឮកូននិយាយដូចនេះ ទើបភ្ញាក់ផ្អើល និងរត់ប្តឹងសមត្ថកិច្ចភ្លាម ។ យោងលោកហ៊ីង ឈុំ ជាអធិការស្រុកដងទង់ឱ្យដឹងដែរថា ក្រោយម្តាយក្មេងស្រីបានមកដាក់ពាក្យប្តឹង លោកក៏បញ្ជាឱ្យមេប៉ុស្តិ៍ល្អាងចុះឃាត់ខ្លួនជនសង្ស័យនៅនឹងកន្លែងកើតហេតុ ។
តាមចម្លើយសារភាពជនសង្ស័យថា នៅថ្ងៃកើតហេតុ ខ្លួនបានដេកលេងនៅក្នុងអង្រឹងជាមួយក្មេងស្រីនោះមែន ប៉ុន្តែខ្លួនមិនបានរំលោភក្មេងនោះទេ ។ ដោយឡែក ក្មេងស្រីរងគ្រោះបានរៀបរាប់ថា នៅថ្ងៃកើតហេតុនោះ នាងកំពុងដេកលេងនៅផ្ទះ ស្រាប់តែឈ្មោះតេងខ្នេង (ជនសង្សយ័) ហៅជិះកង់ទៅលេងផ្ទះគាត់ ខ្លួនក៏ព្រមទៅជាមួយ ។
លុះទៅដល់ផ្ទះ ឈ្មោះខ្នេងឱ្យឡើងដេកក្នុងអង្រឹង រួចបើកទូរសព្ទ័រឿងតុក្កតាឱ្យមើល ។ បន្ទាប់មកបានយកភួយមកគ្របពីលើហើយជនសង្ស័យបានស្រាតខោអាវអស់ និងសើយសំពត់ខ្លួនរំលោភតែម្តង ប៉ុន្តែមិនបានសម្រេចនោះទេ ។
លោកអធិការបន្តថា នៅពេលបានចម្លើយភាគីទាំងសងខាងហើយ លោកបានរាយការណ៍ជូនមកការិយាល័យព្រហ្មទណ្ឌកម្រិតធ្ងន់ទើបមានការឃាត់ខ្លួនជនសង្ស័យតែម្តង ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
