ខេត្តត្បូងឃ្មុំ ៖ ហេតុតែស្រលាញ់លើក្មេងស្រីជាអនីតិជន ទើបតែអាយុ១៥ឆ្នាំប៉ុណ្ណោះ បានធ្វើឲ្យបុរសម្នាក់ឈ្មោះ បៀន យ៉ុន អាយុ២៥ឆ្នាំ នៅភូមិលោ ឃុំកំពាន់ ស្រុកមេមត់ ត្រូវបានចាប់ខ្លួន នៅថ្ងៃទី២០ ខែកក្កដា ឆ្នាំ២០១៧ ដោយត្រូវបានចោទប្រកាន់ពីបទរួមភេទលើអនីតិជន ។ ជាមួយនោះត្រូវបានកម្លាំងសមត្ថកិច្ចកំពុងតែកសាងសំណុំរឿង បញ្ជូនទៅសាលាដំបូងខេត្តចាត់វិធានការទៅតាមច្បាប់ ។
អធិការនគរបាលស្រុកមេមត់ លោកវរសេនីយ៍ទោ ហុង គឹមហឿន ប្រាប់ឲ្យដឹងថា ៖ ក្រោយពីបានទទួលបណ្តឹងពីបុរសវ័យ៤៩ឆ្នាំម្នាក់ រស់នៅភូមិរំចេក ឃុំរំចេក ស្រុកមេមត់ ដោយបានប្តឹងពីឈ្មោះ យ៉ុន ខាងលើនេះ កាលពីវេលាម៉ោង០១រសៀល ថ្ងៃទី១៦ ខែកក្កដាកន្លងទៅ ត្រង់ចំនុចចំការកៅស៊ូរបស់ឈ្មោះ នីម ភេទប្រុស ក្នុងភូមិលោ ឃុំកំពាន់ ជនសង្ស័យបានលួងលោមកូនស្រីរបស់គាត់រួមភេទនៅលើរោងចាំចំការ រហូតដល់ទៅបានសម្រេច ។
អធិការនគរបាលស្រុកមេមត់ បន្តថា ក្រោយពីទទួលបាននូវបណ្តឹងនេះ រូបលោកបានចាត់ឲ្យកម្លាំងជំនាញនគរបាលយុត្តិធម៌ស្រុក បានកោះហៅជននេះមកសួរនាំ នៅអធិការដ្ឋានគរបាលស្រុកមេមត់ ហើយក៏បានឆ្លើយសារភាព ពីហេតុការណ៏ដែលបានកើតឡើងពិតមែន ។ បន្ទាប់មកសមត្ថកិច្ចបានសុំគោលការណ៍ពីលោកព្រះរាជអាជ្ញាអមសាលាដំបូងខេត្ត ធ្វើការឃាត់ខ្លួនតែម្តង ។
ជនសង្ស័យឈ្មោះ បៀន យ៉ុន ឆ្លើយថា រូបគេធ្លាប់បានចេញពីផ្ទះទៅស៊ីឈ្មួលដកដំឡូងឲ្យគេនៅឃុំរំចេក ក៏បានស្គាល់ជនរងគ្រោះ ថែមទាំងបានស្រលាញ់គ្នាទៅវិញទៅមកផងដែរ ។ បន្ទាប់មកជនរងគ្រោះបានណាត់ជួបគ្នាត្រង់ថ្នល់ចិន ដោយបានឌុបគ្នាមកកាន់ត្រង់ចំការម្រេចរបស់គេមួយកន្លែង ថែមទាំងបានរួមភេទជាមួយគ្នាថែមទៀតផង ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
