ត្រសក់ គឺជាអាហារដ៏ពេញនិយម របស់មនុស្សជុំវិញពិភពលោក ជាពិសេស ខ្មែរយើងតែម្តង។ ត្រសក់សំបូរទៅដោយសារធាតុអេឡិចត្រូលីត ជាតិទឹក និងសារធាតុចិញ្ចឹមច្រើនលើសលុប ហេតុនេះ វាក៏មានអត្ថប្រយោជន៍ដល់សុខភាពមិនណយដែរ។
ចង់ដឹងថា ត្រសក់ជួយដល់សុខភាព និងរាងកាយ បានច្រើនយ៉ាងណានោះ សូមតាមដានទាំងអស់គ្នា ដូចខាងក្រោមនេះ!
១. សំបូរជាតិរ៉ែ ៖ ត្រសក់សំបូរជាតិរ៉ែ ដូចជា Silicon ម៉ាញេស្យូម និងប៉ូតាស្យូម ដែលជួយដល់សុខភាព និងមុខងាររាងកាយបានយ៉ាងច្រើន។
២. កម្ចាត់ជាតិពុល ៖ ដោយសារតែត្រសក់ មានជាតិទឹកច្រើន ទើបវាអាចកម្ចាត់ជាតិពុលចេញពីរាងកាយបាន ជាពិសេសវាជួយដល់អ្នកកើតគ្រួសតម្រងនោមថែមទៀត។
៣. ប្រឆាំងនឹងជំងឺទឹកនោមផ្អែម គ្រប់គ្រងសម្ពាធឈាម និងកាត់បន្ថយកូឡេស្តេរ៉ូល ៖ កម្រិតម៉ាញេស្យូម ប៉ូតាស្យូម និងជាតិសរសៃខ្ពស់ អាចជួយសម្រួលដល់លំហូរឈាម និងជួយរាងកាយផលិតអាំងស៊ុយលីនបានប្រក្រតី។
៤. វីតាមីន ៖ ត្រសក់សំបូរទៅដោយវីតាមីន A B និង C ដែលរាងកាយត្រូវការជាចាំបាច់ ដើម្បីបង្កើនថាមពល និងពង្រឹងប្រព័ន្ធភាពស៊ាំ។
៥. ផ្តល់សំណើមដល់រាងកាយ ៖ ត្រសក់អាចជួយផ្តល់សំណើមស្បែក និងរាងកាយទាំងមូល ដោយសារ ៩០% នៃត្រសក់គឺជាជាតិទឹក។
៦. ប្រឆាំងនឹងមហារីក ៖ ត្រសក់មានផ្ទុកសារធាតុ pinoresinol lariciresinol និង secoisolariciresinol ខ្ពស់ ដែលអាចការពារជំងឺមហារីកសុដន់ មហារីកក្រពេញប្រូស្តាត និងមហារីកក្រពេញអូវែបាន។
៧. ជួយដល់សន្លាក់ ៖ សារធាតុ Silicon របស់ត្រសក់ អាចជួយពង្រឹងសុខភាពឆ្អឹងសន្លាក់។ ជាពិសេសបើបានទទួលទានជាមួយការ៉ុតទៀតនោះ វាអាចជួយបំបាត់ការឈឺចាប់សន្លាក់ និងកាត់បន្ថយអាស៊ីតថែមទៀត។
៨. ជួយដល់សុខភាពតម្រងនោម ៖ ត្រសក់អាចជួយកាត់បន្ថយជាតិអាស៊ីត ព្រមទាំងជួយដល់សុខភាពតម្រងនោមបានយ៉ាងល្អ។
៩. ជួយការរំលាយអាហារ និងជួយសម្រកទម្ងន់ ៖ ដោយសារត្រសក់មាន កាឡូរីទាប ជាតិទឹក និងជាតិសរសៃច្រើន ទើបវាអាចជួយសម្រកទម្ងន់ ជួយប្រព័ន្ធរំលាយអាហារ និងការពារទល់លាមកបាន។
១០. ជួយសុខភាពអញ្ចាញ និងខ្យល់ដង្ហើមល្អ ៖ ទឹករបស់ត្រសក់ អាចជួយដល់អញ្ចាញ និងការពារការរលាក ជាពិសេស គឺការពារក្លិនមាត់ និងសម្លាប់បាកតេរីក្នុងមាត់ថែមទៀត។
១១. ជួយដល់សក់ និងក្រចក ៖ សារធាតុ Silicon និង ស៊ុលផួ ក្នុងត្រសក់ អាចជួយសុខភាពក្រចក និងសក់ឲ្យរឹងមាំ និងលូតលាស់បានល្អ។
១២. ជួយបំបាត់អាការស្រវឹងធីងធោង ៖ ត្រសក់សំបូរទៅដោយ អេឡិចត្រូលីត ជាតិស្ករ និងវីតាមីន B ខ្ពស់ដែលជួយបំបាត់អាការស្រវឹងធីងធោង និងឈឺក្បាលបាន។
១៣. បំបាត់រង្វង់ភ្នែកខ្មៅ ៖ ត្រសក់មានសមត្ថភាពប្រឆាំងនឹងការរលាក ព្រមទាំងអាចបំបាត់ហើមភ្នែក និងរង្វង់ភ្នែកខ្មៅទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]