ភ្នំពេញ៖ តារាសម្តែងល្បីឈ្មោះ រ៉ូលីន ទើបតែត្រូវបានម្តាយស្លាប់ចោល កាលពីជាង១០ថ្ងៃមុននេះ ដោយបានបន្សល់ទុកនៅត្រឹមតែភាពសោកស្តាយ និងភាពអាលោះអាល័យក្រៃលែង។
ហើយខួបកំណើតឆ្នាំនេះ រ៉ូលីន បានធ្វើឡើងយ៉ាងកម្សត់ ដោយសារតែឪពុកម្តាយរបស់ខ្លួនបានលាចាកលោកនេះទៅហើយ។
ទាំងនេះគឺជាការរៀបរាប់ទាំងស្រុងរបស់ រ៉ូលីន នៅលើបណ្តាញសង្គមហ្វេសប៊ុក និងអ៊ីនស្តារក្រាមរបស់ខ្លួន៖
«តាំងពីអាយុ៣ខួប ដល់អាយុ២៣ឆ្នាំ ប៉ាតែងតែធ្វើខួបកំណើតឱ្យកូនរាល់ឆ្នាំ ពេលប៉ាចាកចោលពួកកូន៧ឆ្នាំមកនេះ ហាក់ស្ងប់ស្ងាត់ឈឹង ពិធីសប្បាយផ្សេងៗនៅផ្ទះយើង ឥឡូវឆ្នាំនេះអ្នកម៉ែចាកចេញឆ្ងាយសែនឆ្ងាយចោលកូនទៀត ខួបកំណើតឆ្នាំនេះកូនមានតែផ្លុំទាននៅមុខរូបថតលោកទាំងពីរតែប៉ុណ្ណោះ អរគុណលោកទាំងពីរ ដែលបានផ្តល់កំណើត ផ្តល់ការអប់រំ ផ្តល់នូវភាពកក់ក្តៅឱ្យកូនជាង២០ឆ្នាំមកនេះ លោកទាំងពីរហត់ណាស់ល្មមដល់ពេលសម្រាកហើយ កុំបារម្ភពីកូនណា កូនធំហើយ កូនអាចមើលថែខ្លួនឯងបាន ទីបំផុតលោកទាំងពីរបានរស់ជាមួយគ្នានៅឋានសួគ៌ហើយ លោកទាំងពីរលែងបែកគ្នាទៀតហើយ សូមឱ្យប៉ា និងម៉ាកទៅកាន់សុគិតភពកុំបីឃ្លៀងឃ្លាត happy birthday to me»។
ពិតជាកម្សត់ណាស់ យ៉ាងណាក៏សូមរីករាយថ្ងៃកំណើត ដល់តារាសម្តែងរ៉ូលីនផង ហើយសូមឱ្យវិញ្ញាណក្ខន្ធ របស់អ្នកមានគុណទាំងពីរ បានទៅកាន់សុគតិភព៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]