តើមានទស្សនិកជនប៉ុន្មាន​នាក់ ដែលនៅ​ចាំតួ​​ឯកស្រី ក្នុងរឿង «នាង​រំសាយ​​សក់​» ?

(ភ្នំពេញ)៖ តារាសម្ដែងដែលមានឈ្មោះល្បីល្បាញ ក្នុងអំឡុងទសវត្សទី៨០និង៩០ និងត្រូវជាតួឯកស្រីក្នុងរឿង «នាង រំសាយសក់» អ្នកស្រី ប៊ុន ឈឿនសូរិយ៉ាន ខណៈមកដល់បច្ចុប្បន្នតារារូបនេះ ស្ទើរតែត្រូវបានទស្សនិកជនភ្លេចមុខ និង ភ្លេចឈ្មោះគាត់ទៅហើយ បន្ទាប់ពីអ្នកស្រីបានឃ្លាតចាកឆ្ងាយពីពិភពសិល្បៈ អស់រយៈពេលជាច្រើនឆ្នាំមក។

តើមកទល់នឹងបច្ចប្បន្ននេះ អ្នកស្រីទៅដល់ទីណាហើយ? ចង់ដឹងព័ត៌មានច្បាស់សូមតាមដានទាំងអស់គ្នា។

យោងតាម Page Facebook «Movie Star Research» ដែលមានអតីតតារាចម្រៀង អ្នកនាង ស៊ិន ឧត្តមផល្លា ជាម្ចាស់ បានបង្ហាញឲ្យដឹងថា «អតីតតារាសម្ដែងដ៏ល្បីល្បាញតាំងពីទសវត្សទី៨0និង៩០ ( ប៊ុន ឈឿនសូរិយ៉ាន ) តារារូបនេះស្ទើរតែត្រូវបានគេភ្លេចមុខ និងភ្លេចឈ្មោះគាត់ទៅហើយ គាត់ជាតារាឯកស្រីក្នុងរឿង (នាង រំសាយសក់) គាត់ជាកូនស្រីរបស់កវីនិពន្ធដ៏ឆ្នើម គឺលោកតា ( គង់ ប៊ុនឈឿន ) »។

អ្នកស្រី ស៊ិន ឧត្តមផល្លា បានបន្ថែមថា « បច្ចុប្បន្នតារារូបនេះ (អ្នកស្រី ប៊ុន ឈឿនសូរិយ៉ាន) រស់នៅប្រទេស ហ្វាំងឡង់ (Finland)»។

ទោះបីជាយ៉ាណា រយៈកាលនៃការរស់ក្នុងទឹកដីអាមេរិក ទស្សនិកជន ក៏ដូចជា មហាជនក្នុងប្រទេសកម្ពុជា ហាក់ពុំដែលបានដឹងដំណឹងថា អ្នកស្រីមកលេងប្រទេសកំណើត ម្ដងណាឡើយ ខណៈដែលអ្នកធ្លាប់ស្គាល់តារាសម្ដែងរូបនេះ ពីមុនមក ក៏ស្ទើរតែភ្លេចឈ្មោះទៅហើយដែរ៕

ប្រភព៖ Khmertalking