បរទេស៖ គ្រូបង្វឹកសញ្ជាតិបារាំង លោក Zinedine Zidane បានលុបចោលការសង្ស័យជុំវិញព័ត៌មានទាំងអស់ដែលទាក់ទងនឹងការចាកចេញរបស់កីឡាករ Cristiano Ronaldo ពីក្លិបអធិរាជស Real Madrid អំឡុងទីផ្សារដោះដូរកីឡាករកំពុងចាប់ផ្តើមដំណើរការនេះ។
គ្រូបង្វឹករបស់ក្លិប Real Madrid រូបនេះ បានបញ្ជាក់ឲ្យដឹងថា លោកពិតជាមិនចង់និយាយពីបញ្ហាអនាគតរបស់ Ronaldo នោះទេ ព្រោះលោកដឹងថា Ronaldo សប្បាយចិត្តនឹងនៅជាមួយក្លិបបន្តទៀត។ នេះបើយោងតាមកិច្ចសម្ភាសរបស់ Zidane ជាមួយនឹង ESPN ។
ក្រោយជួយ Real ឈ្នះ La Liga និង Champions League ហើយ បច្ចុប្បន្ននេះ Ronaldo កំពុងតែសម្រាកលំហែកាយជាមួយក្រុមគ្រួសារ មិនទាន់បានចូលហ្វឹកហាត់ជាមួយក្លិបនៅឡើយទេ ស្របពេល កីឡាករជាច្រើនរបស់ Real បានចាប់ផ្តើមហ្វឹកហាត់បណ្តើរៗហើយ ដើម្បីត្រៀមខ្លួនប្រកួតក្នុងពានរង្វាន់ International Champions Cup នៅសហរដ្ឋអាមេរិក។
ក្នុងនោះផងដែរ Zidane ដែលជាគ្រូបង្វឹកបានបន្តឲ្យដឹងទៀតថា «Ronaldo កំពុងតែដើរកម្សាន្តលំហែកាយ ព្រោះគាត់សាកសមនឹងការសម្រាកខ្លះ» ។
«នៅពេលនេះពួកយើងមានតែរង់ចាំដំណើរកម្សាន្តរបស់គេបញ្ចប់ ហើយត្រលប់មកចូលរួមជាមួយពួកយើងវិញ» ។
គួរបញ្ជាក់ថា មកទល់ពេលនេះ Zidane មិនទាន់ធ្វើការទាក់ទងជាមួយ Ronaldo នៅឡើយទេ ក៏ព្រោះតែលោកជឿជាក់ថា Ronaldo នឹងនៅជាមួយក្លិប Real Madrid បន្តទៀត៕
ប្រភព៖ Goal
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
