បរទេស៖ ខែ្សប្រយុទ្ធជម្រើសជាតិម៉ិកស៊ិក Javier Hernandez ដែលឈ្មោះហៅក្រៅថា Chicharito បានយល់ព្រមត្រលប់មកលេងនៅ Premier League សាជាថ្មីហើយ ដោយបានចូលរួមជាមួយក្រុមញញួរធំ West Ham នេះបើតាមក្លិបបានបញ្ជាក់កាលពីថៃ្ងព្រហស្បតិ៍ម្សិលមិញនេះ។
Chicharito ត្រូវបានរំពឹងថានឹងអាចធើ្វតេស្ដសុខភាពនៅថៃ្ងច័ន្ទសបា្ដហ៍ក្រោយ នេះបើតាមអ្នករាយការណ៍របស់ទូរទស្សន៍ ESPN ក្នុងប្រទេសម៉ិកស៊ិកបានបញ្ជាក់។
ក្នុងគេហទំព័ររបស់ក្លិប West Ham បានបញ្ជាក់ថា «West Ham United និង Bayer Leverkusen បានព្រមព្រៀងលក្ខខណ្ឌក្នុងការផ្ទេររបស់ខែ្សប្រយុទ្ធ Javier Hernandez ទៅកាន់កីឡដ្ឋាន London»។
ប្រសិនបើផែនការនៃការផ្ទេរនេះបានសម្រេចរួចរាល់នោះ Chicharito ដែលបានក្លាយជាអ្នកស៊ុតបញ្ចូលទីច្រើនជាងគេឲ្យក្រុមជម្រើសជាតិម៉ិកស៊ិកកាលពីខែឧសភានោះ នឹងអាចចូលលេងការប្រកួតដំបូងទល់នឹងក្រុមចាស់របស់ខ្លួន Manchester United ក្នុងកីឡដ្ឋាន Old Trafford នៅថៃ្ងទី១៣ ខែសីហា ខាងមុខ។
Hernandez ដែលបានចាកចេញពី Man Utd កាលពីឆ្នាំ២០១៥ ទៅចូលរួមជាមួយ Leverkusen ស៊ុតបាន៥៩គ្រាប់ ក្នុងការបង្ហាញខ្លួន១៥៧ប្រកួតឲ្យក្លិបបិសាចក្រហម និងបន្ដស៊ុតបាន ៣៩គ្រាប់ ក្នុងការបង្ហាញខ្លួន៧៦ប្រកួតឲ្យក្រុមនៅអាល្លឺម៉ង់ មុនពេលសម្រេចមកលេងនៅ Premier League នៅរដូវកាលក្រោយវិញ៕
ប្រភព៖ ESPN
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]