ភ្នំពេញ៖ បវរកញ្ញាពិភពលោកប្រចាំឆ្នាំ២០១៦ ជនជាតិអេក្វាឌ័រកញ្ញា អេនជីឡា បូនីឡា (Angela Bonilla) បន្ទាប់ពីបានអញ្ជើញមកហ្សបភីងនៅហាង POSH ដែលមានទីតាំងស្ថិតនៅជិតផ្សារទំនើបសូរិយា តាមបណ្តោយ ផ្លូវ១៥៤ កាលពីរសៀលថ្ងៃទី១៩ ខែ កក្កដា ឆ្នាំ២០១៧ នៅល្ងាចថ្ងៃទី២០ ខែកក្កដា ឆ្នាំ២០១៧នេះ បានអញ្ជើញមកភ្លក្សរសជាតិស្រាក្រហមដ៏ល្ បីនិងរសជាតិអាហារបារាំងនៅភោជនីយដ្ឋាន Red Wine House Restaurant រាជធានីភ្នំពេញ។
កម្មវិធីជប់លៀងអាហារពេលល្ងាចថ្លែងអំណរគុណ ជូនបវរកញ្ញាពិភពលោកប្រចាំឆ្នាំ២០១៦ នេះសហការរៀបចំឡើងដោយហាង POSH លក់សម្លៀកបំពាក់ កាបូប & ស្បែកជើង នារីដ៏ល្បីតាំងពីឆ្នាំ ២០០៨និងភោជនីយដ្ឋាន Red Wine House Restaurant ដែលមានលក់ស្រាក្រហមជាង១០០មុខ និងម្ហូបបារាំងដ៏ល្បីមួយនៅរាជធានីភ្នំពេញ។
ក្នុងពិធីស្វាគមន៍ទទួលអាហារពេលល្ងាច ជូនបវរកញ្ញាពិភពលោកប្រចាំឆ្នាំ២០១៦ នាល្ងាចថ្ងៃទី២០ ខែកក្កដានេះ លោក លឹម តុង អគ្គនាយកភោជនីយដ្ឋាន Red Wine House បានថ្លែងឱ្យដឹងថា ពិធីជប់លៀងអាហារពេលល្ងាច បានត្រូវប្រារព្ធធ្វើឡើងដើម្បីថ្លែងអំណរគុណដល់កញ្ញាអេនជីឡា បូនីឡា និង ចង់ឱ្យគាត់បានស្គាល់ និងភ្លក្សរសជាតិស្រាក្រហមដ៏ល្បីនាំចូល ពីបណ្ដាប្រទេសល្បីៗដូចជា ប្រេស៊ីល អាហ្សង់ទីន បារាំង អូស្ត្រាលី ព្រមទាំងបានភ្លក្សរសជាតិអាហារបារាំង ដូចជា Steak សាច់ចៀម សាច់គោជាដើម។
លោកអគ្គនាយកបានបន្ថែមថា៖«វត្តមានរបស់កញ្ញាអេនជីឡា បូនីឡា បវរកញ្ញាពិភពលោកប្រចាំឆ្នាំ២០១៦គឺជាកិត្តិយស និងមោទនភាពសម្រាប់ប្រទេសកម្ពុជា និងភោជនីយដ្ឋាន Red Wine House ហើយក៏ជាឱកាសបានស្វែងយល់ និងផ្លាស់ប្តូរវប្បធម៌ទៅវិញទៅមករវាងកម្ពុជានិងអេក្វាឌ័រ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]