រាជធានីភ្នំពេញ ៖ កាលពីល្ងាចថ្ងៃទី១៩ កក្កដា ម្ចាស់បទ «ទាល់តែយូរ ទើបសុីអូនបាន» កញ្ញាច័ន្ទ ម៉ាលីស ត្រូវគេឃើញតែងខ្លួន មិនចាញ់រាជនីនោះឡើយ នៅក្នុងពិធីឡើងគេហដ្ឋានថ្មីនាង ស្ថិតក្នុងភូមិព្រៃមាស ឃុំអង្គរាជ្យ ស្រុកព្រះស្តេច ខេត្តព្រៃវែង ដែលក្នុងពិធីនេះ មានភ្ញៀវចូលរួមប្រមាណ៥០០នាក់ ក្នុងនោះក៏មានវត្តមានពិធីករ តារាចម្រៀងល្បីៗ និងក្រុមកំប្លែងយ៉េយ៉េទៅរាំក្រឡុកដល់ទីនោះទៀតផង ។
កញ្ញាច័ន្ទ ម៉ាលីស បានឱ្យដឹងថា ពិធីឡើងផ្ទះនេះ គឺបានសាងសង់មួយចំហៀងម្នាក់នឹងភោជនីយដ្ឋានរបស់នាង ដែលឪពុកម្ដាយបានប្រគល់ឱ្យមើលខុសត្រូវ កាលពីថ្ងៃខួបកំណើតនោះ ។ នៅពិធីនេះដែរ នាងបានអញ្ជើញភ្ញៀវ ច្រើនជាងសមាជិកក្នុងគ្រួសារនាង ។ នាងអះអាងថា ផ្ទះនោះជាផ្ទះរួម តែនាងគឺជាកូនស្រីម្នាក់ដែលមានសិទ្ធិគ្រប់យ៉ាងក្នុងការរស់នៅ ទើបនាងឈរឈ្មោះជាអ្នកអញ្ជើញភ្ញៀវ ដោយបានទាំងអញ្ជើញតារា ឱ្យទៅច្រៀងរាំឡើងផ្អើលនៅក្នុងពិធីនោះផង ។
យ៉ាងណាមិញ នាងថា ប្រហែលជាត្រូវឡើងចុះទៅរស់នៅផ្ទះថ្មីនោះ មិនបានញឹកនោះទេ ដោយសារតែនាងទើបនឹងបានបើកសាឡននៅម្ដុំទល់មុខហាងនៅជិតផ្សារទួលទំពូង ដែលតម្រូវឱ្យនាងត្រូវមើលការខុសត្រូវ ។ មកទល់ពេលនេះ នាងត្រូវចែកពេលទៅមើលភោជនីយដ្ឋាននៅខេត្តព្រៃវែងផង និងនៅភ្នំពេញផង ។ អុីចឹងហើយទើបនាងមិនទាន់មានពេលផលិតបទចម្រៀងថ្មីៗផ្ទាល់ខ្លួន បន្ទាប់ពីបានដើរចេញពីផលិតកម្មBN។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]