បរទេស៖ កាលពីខែឧសភាក្រុមហ៊ុន Google បានប្រកាសព័ត៌មានទាក់ទងទៅនឹងកម្មវិធីមួយដែលមានសមត្ថភាពអាចចាប់វីរុសក្នុងទូរស័ព្ទ ឆ្លងពេលដែលអ្នកតម្លើងកម្មវិធីថ្មី។ ក្នុងពេលនេះកម្មវិធី Google Play Protect ត្រូវបានដាក់ឲ្យប្រើប្រាស់ហើយ។ Google Play Protect គឺជាប្រព័ន្ធការពារមួយដែលមានស្រាប់នៅក្នុង Play Store សម្រាប់តែឧបករណ៍ Android ណាដែលប្រើប្រាស់ Google Mobile Services 11 ឬក៏versionខ្ពស់ជាងនេះប៉ុណ្ណោះ ទើបអាចដំណើរការ Google Play Protect បាន។
Play Protect មានតួនាទីលើសពីកម្មវិធី Anti-virus នៅលើកុំព្យូទ័រទៅទៀតព្រោះថាកម្មវិធីនេះនឹងការពារទូរស័ព្ទរបស់លោកអ្នកដោយ៖
• ចេញមកក្រៅវិញ ឬក៏ផ្ដល់ដំណឹងទៅអ្នកប្រើប្រាស់ អំពីភាពមិនប្រក្រតីនៅពេលដែលអ្នកចូលទៅក្នុងវេបសាយណាមួយ
• ស្កេនកម្មវិធីថ្មីៗដែលអ្នកចង់តម្លើង និងលុបចោលនូវកម្មវិធីណាដែលមិនមានសុវត្ថិភាព
• ស្កេនរកវីរុសក្នុងទូរស័ព្ទដោយស្វ័យប្រវត្តិ
• កម្មវិធីនេះមានសមត្ថភាពអាចរកទូរស័ព្ទរបស់អ្នក និងដឹងពីទីតាំងរបស់វាបានដោយគ្រាន់តែចូលទៅក្នុងគណនី Google របស់អ្នក
• អ្នកអាចចាក់សោរទូរស័ព្ទដែលបាត់ពីចម្ងាយ ឬក៏ផ្ញើសារដាក់ទុកលើអេក្រង់ ដូច្នេះបើសិនជាមានអ្នកណារើសបាន គេនឹងអាចទាក់ទងម្ចាស់ទូរស័ព្ទវិញបាន
ខាងក្រោមនេះគឺជាជំហានក្នុងការបើកដំណើរការ Google Play Protect ៖
១. បើកកម្មវិធី Google Play Store នៅលើទូរស័ព្ទរបស់អ្នក
២. ចុចលើអក្សរ Menu
៣. ចុចលើប៊ូតុង Google Play Protect ជាការស្រេច។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
