ខេត្តមណ្ឌលគិរី ៖ គួរឲ្យអាសូរកុមារាជនជាតិដើមភាគតិចព្នង ត្រូវស្លាប់ដោយសារតែការធ្វេសប្រហែសរបស់អាណាព្យាបាល ដោយទុកកូនតូចឲ្យនៅចាំផ្ទះម្នាក់ឯង ។ ហេតុការណ៍ដ៏រន្ធត់នេះ បានកើតឡើងនៅថ្ងៃទី១៩ ខែកក្កដា ឆ្នាំ២០១៧ វេលាម៉ោង១៣និង១០នាទី នៅចំណុចភូមិឈូល ឃុំស្រែហ៊ុយ ស្រុកកោះញែក ខេត្តមណ្ឌលគិរី ។
សមត្ថកិច្ចបានឲ្យដឹងថា មានករណីក្មេងលេបថ្នាំវីតាមីនអស់មួយកំប៉ុង បណ្តាលឲ្យស្លាប់ (ព្រោះនៅក្នុងដៃក្មេងឃើញមានកាន់ថ្នាំ ដែលនៅសល់នឹងបែកពពុះមាត់)។ ដោយកុមាររងគ្រោះមានឈ្មោះ ងា ឈីន ភេទប្រុស អាយុ៣ឆ្នាំ ជនជាតិព្នង មានទីលំនៅភូមិឈូល ឃុំស្រែហ៊ុយ ស្រុកកោះញែក ខេត្តមណ្ឌលគិរី ។ ឪពុកឈ្មោះ ភ្លីល ងា អាយុ២៨ឆ្នាំ ម្តាយឈ្មោះ ញ៉ច ផិត អាយុ២២ឆ្នាំ មានទីលំនៅ ភូមិឃុំកើតហេតុខាងលើ ។
មូលហេតុ កុមាររងគ្រោះនៅផ្ទះម្នាក់ឯង ឪពុកម្តាយទៅស្រែក្រោយផ្ទះអស់ ដោយគិតថា បន្តិចទៀតបងប្រុសរបស់កុមាររងគ្រោះត្រលប់មកពីរៀនវិញ នឹងអាចជួយមើលថែប្អូន តែអ្វីៗមិនដូចការគិតឡើយ ព្រោះថ្នាំវីតាមីន ដែលមានរសជាតិផ្អែមដូចគ្រាប់ស្ករ បានឆក់យកជីវិតកូនបាត់ទៅហើយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]