ភ្នំពេញ៖ គ្រូបង្វឹកក្រុមជម្រើសជាតិ U23 ចិន លោក Massimiliano Maddaloni បាននិយាយថា ប្រសិនបើកម្ពុជា ប្រើទម្រង់លេងដែលប្រកួតទល់នឹងក្រុមខ្លួនបន្ដទៀត សូម្បីតែក្រុមជប៉ុនដែលជាក្រុមដ៏ខ្លាំង និងក្រុមដទៃទៀតក៏ពិបាកនឹងយកឈ្នះលើពួកគេដែរ។
ការប្រកួតកាលពីយប់មិញក្រោមដំណក់ទឹកភ្លៀង ក្រុមកម្ពុជា U23 និងក្រុមចិន U23 ចែកគ្នាម្នាក់១ពិន្ទុ ក្រោយប្រកួតចប់៩០នាទី ដោយលទ្ធផល ០-០ ក្នុងការប្រកួតជម្រុះពានរង្វាន់ AFC U23 Championship Qualifiers ពូល J ដោយមានអ្នកចូលទស្សនាចំនួនជាង ៧ពាន់នាក់។
បន្ទាប់ពីការប្រកួតបានបញ្ចប់ លោក Massimiliano Maddaloni គ្រូបង្វឹក U23 ចិន បានសរសើរដល់ក្រុមកីឡាកររបស់កម្ពុជា ថាពិតជាខិតខំលេងអស់ពីចិត្ដ និងធើ្វបានល្អទល់នឹងក្រុមរបស់លោក។ លោកក៏បាននិយាយថា បើកម្ពុជា នៅតែប្រើប្រាស់ទម្រង់លេងបែបនេះទៀត ក្រុមដ៏ទៃ ជាពិសេសគឺក្រុមជប៉ុន ក៏ពិបាកនឹងធើ្វស៊ីពួកគេដែរ។
«បើសិនជាកម្ពុជានៅតែប្រើទម្រង់លេងយ៉ាងដូច្នេះ គូប្រកួតរបស់ពួកគេនឹងពិបាកយកឈ្នះ ដូចជាជប៉ុន ជាដើម។ យើងឃើញថាកម្ពុជាបានធើ្វយ៉ាងល្អ» លោក Massimiliano Maddaloni និយាយ។
ការប្រកួតបន្ទាប់របស់កម្ពុជា គឺនឹងត្រូវជួបក្រុមខ្លាំងជប៉ុន នៅថៃ្ងសុក្រ ទី២១ វេលាម៉ោង ៦:៣០នាទីល្ងាច៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]