បរទេស៖ ខ្សែប្រយុទ្ធរបស់ក្រុមយក្សអេស្ប៉ាញ Real Madrid កីឡាករ Cristiano Ronaldo បានទម្លាយតាមរយៈសារព័ត៌មានមួយឲ្យដឹងថា ខ្លួនមានក្តីរំភើបរីករាយ ចំពោះកូនម្នាក់ទៀតនៅក្នុងផ្ទៃ ជាមួយនឹងមិត្តស្រីរបស់ខ្លួន Georgina Rodriguez។ នេះបើយោងតាមកិច្ចសម្ភាសរបស់ Ronaldo ជាមួយនឹងសារព័ត៌មាន El Mundo ។
យោងតាមកាសន្ទនារបស់Ronaldo ជាមួយសារព័ត៌មាន El Mundo ប្រាកដណាស់ នាង Georgina Rodriguez ពិតជាមានផ្ទៃពោះជាមួយនឹង តារាបាល់ទាត់ឆ្នើមរូបនេះមែន។
ក្នុងនោះ អ្នកសារព័ត៌មានបានសួរសំនួរជាច្រើនពាក់ព័ន្ធនឹងកូនៗរបស់ Ronaldo ហើយអ្វីដែលគួរឲ្យចាប់អារម្មណ៍នោះ គឺមានសំនួរមួយបានចោទសួរថា «តើលោកសប្បាយចិត្តទេ ចំពោះកូនម្នាក់ទៀតដែលកំពុងឋិតក្នុងផ្ទៃ?» ឆ្លើយតបវិញ ខ្សែប្រយុទ្ធវ័យ៣២ឆ្នាំរូបនេះ និយាយថា ខ្លួនពិតជាសប្បាយចិត្តជាខ្លាំង ។
គួរបញ្ជាក់ថា រឿងរ៉ាវពាក់នឹងមិត្តស្រី Ronaldo មានផ្ទៃពោះនេះ គឺមានការសង្ស័យជាយូរមកហើយពីសំណាក់មហាជន តែត្រូវបានម្តាយបង្កើតរបស់ Ronaldo បដិសេធ។ ក្រោយមកទៀត មន្ទិលសង្ស័យកាន់តែកើតមានឡើង ដោយសារតែផ្ទៃផ្នែកក្បាលពោះរបស់នាង Georgina Rodriguez កាន់តែរីកធំជាងមុន បើយោងតាមរូបថតជាច្រើនសន្លឹករបស់នាង បង្ហោះនៅលើបណ្តាញសង្គម។
បើទោះជាយ៉ាងណាក៏ដោយ Ronaldo នៅមិនទាន់ប្រកាសព័ត៌មាននេះជាផ្លូវការនៅឡើយទេ ប៉ុន្តែបើការសម្ភាសជាមួយសារព័ត៌មាន គេអាចសន្និដ្ឋានបានថា នាង Georgina ពិតជាមានផ្ទៃពោះពិតមែន៕
ប្រភព៖ 101 Great Goals
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]