ខេត្តបន្ទាយមានជ័យ ៖ ប្រតិភូក្រសួងមហាផ្ទៃមួយក្រុមដឹកនាំដោយលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃបានអញ្ជើញចុះតាមបណ្តាច្រកតាមខេត្តជាប់ព្រំដែនចាប់ពីខេត្តប៉ៃលិន បាត់ដំបង រហូតដល់បន្ទាយមានជ័យ ដើម្បីពិនិត្យមើលពីស្ថានភាពជាក់ស្តែងនៅការចរាចរ ឬលំហូរពលករចេញទៅក្រៅប្រទេស ។
ប្រតិភូខាងលើបានទៅកាន់ទីតាំងទទួលពលករក្នុងូភូមិ និងសង្កាត់ប៉ោយប៉ែតផងដែរដើម្បីជួបជាមួយមន្ត្រីសមមត្ថកិច្ចជំនាញពាក់ព័ន្ធ និងអង្គការដៃគូរនានាពិសេសជួបសំណេះសំណាល និងសួរសុខទុកពលករដែលភាគីថៃបញ្ជូនត្រឡប់ ។
លោកជំទាវ ជូ ប៊ុនអេង បានជួបជាមួយពលករម្នាក់ឈ្មោះ ស៊ន ផាន់ណា ភេទប្រុស អាយុ២៣ឆ្នាំ ជាពលករដែលមានជម្ងឺហើយវិលត្រឡប់មកស្រុកវិញមានតែលិខិតឆ្លងដែនចម្លងព្រោះក្រុមហ៊ុនដកទុក ។ ពលកររូបនេះជួបបញ្ហាខណៈមកដលព្រំដែនខាងថៃមិនអាចឆ្លងព្រំដែនបានដោយសាច់ញាតិទំនាក់ទំនងរកការអន្តរាគមន៍ជួយតាមរយៈអង្គការមួយនៅទីតាំងទទួលពលករទៅអង្គការមួយនៅប្រទេសថៃគឺអង្គការមូលនិធិបណ្តាញលើកកំពស់អភិវឌ្ឍន៍គុណភាពជីវិតពលករហៅកាត់ថា LPN ដឹកនាំដោយលោក ក្រៀង សាក់ប៊ុនយ៉ែម ទើបជួយពលកររូបនេះមកដល់កម្ពុជាវិញ ។
លោកជំទាវបានយកអំណោយរបស់សម្តេចក្រឡាហោម ស ខេង រួមមានកន្ទេល ក្រមា និងថវិការមួយចំនួនប្រគល់ដល់ពលកររូបនេះ និងបានណែនាំឲ្យមើលជម្ងឺជាសះស្បើយសិន បើចងត្រឡប់ទៅថៃវិញក្នុងនោះលោកជំទាវបានជម្រុញដល់មន្ត្រីជំនាញត្រូវធ្វើយ៉ាងណាទំនាក់ទំនងទៅក្រុមហ៊ុននោះយកលិខិតឆ្លងដែនប្រគល់ឲ្យពលករខាងលើវិញ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]