អាមេរិក៖ Hyperloop One គឺជារបកគំហើញនៃរថភ្លើងដែលមានល្បឿនលឿនក្នុងការដឹកជញ្ជូនវត្ថុ និងមនុស្សនៅក្នុងផ្លូវដែលមានរាងលក្ខណៈជាបំពង់ ត្រូវបានធ្វើតេស្តម៉ាស៊ីនជាលើកដំបូងកាលពីពេលថ្មីៗកន្លងទៅនេះ។
កាលពីថ្ងៃទី១២ ខែឧសភា ២០១៧ ក្រុមអ្នកជំនាញបានធ្វើការសាកល្បងម៉ាស៊ីន រថភ្លើង Hyperloop One នៅលើផ្លូវដែលមានរាងជាបំពង់មួយ ស្ថិតនៅលើវាលខ្សាច់ក្នុងរដ្ឋ Nevada នៃសហរដ្ឋអាមេរិក។
ល្បឿនរបស់វាអាចធ្វើបាន ១១២គីឡូម៉ែតក្នុងមួយម៉ោងប៉ុណ្ណោះ សម្រាប់ការធ្វើតេស្តលើកដំបូងនេះ ប៉ុន្តែក្រុមហ៊ុន Hyperloop កំពុងចាប់ផ្តើមត្រៀមធ្វើការសាកល្បងថ្មីំមួយទៀត ដែលជាគោលដៅបន្ទាប់ ដើម្បីសម្រេចឲ្យបាន ៤០២គីឡូម៉ែតក្នុងមួយម៉ោង។
គួរបញ្ចាក់ផងដែរថា ផ្លូវបំពង់របស់រថភ្លើង Hyperloop One នឹងមានបំពាក់ ដោយដែនម៉ាញេទិច រុញច្រានរថភ្លើងឲ្យមានល្បឿនលឿនជាងមុនជាមួយនឹងសម្ពាធនៃបរិយាកាសទាបនៅក្នុងបំពង់ ដែលនឹងអនុញាត្តឲ្យរថភ្លើង Hyperloop One ធ្វើដំណើរបានយ៉ាងរលូន។
លោក Elon Musk មានចក្ខុវិស័យមួយក្នុងការបង្កើតយាន្តជំនិះ ដែលអាចធ្វើដំណើរក្នុងល្បឿនលឿនបំផុតគឺ ១ ២២៣គីឡូម៉ែតក្នុងមួយម៉ោង ហើយ Hyperloop គឺជាក្រុមហ៊ុនមួយ ដែលមានគំរោងក្នុងការធ្វើឲ្យគំនិតរបស់លោក Elon ក្លាយជាការពិតផងដែរ។ បើសិនជាការស្រមើលស្រមៃនេះ ក្លាយជាការពិតមែននោះ ការធ្វើដំណើរដែលមានរយៈពេលជិត៦ម៉ោង នឹងនៅសល់ត្រឹមតែ៣៥នាទីប៉ុណ្ណោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]