រាជធានីភ្នំពេញ ៖ គ្រោះថ្នាក់ចរាចរណ៍រវាងរថយន្ដធុនធំពីរគ្រឿងបុកគ្នានៅតាមបណ្ដោយផ្លូវបណ្ឌិត ម៉ុង ឫទ្ធី ស្ថិតក្នុងភូមិបាយាប សង្កាត់ភ្នំពេញថ្មី ខណ្ឌសែនសុខ កាលពីវេលាម៉ោង៤រសៀលថ្ងៃទី២៤ ធ្នូ បណ្ដាលឱ្យអ្នកបើកបររថយន្ដម្នាក់របួសធ្ងន់។ ករណីគ្រោះថ្នាក់ចរាចរណ៍នេះត្រូវភាគីទាំងពីរដោះស្រាយគ្នានៅកន្លែងកើតហេតុតែម្ដង ។
រថយន្ដធុនធំទាំងពីរគ្រឿងនោះមួយគ្រឿងម៉ាកកាម៉ាសសណ្ដោងកន្ទុយ ពណ៌សលាយខៀវ ចំណែកមួយគ្រឿងទៀតម៉ាកអីុស៊ុយហ្សុយ ប្រភេទរថយន្ដបែនដឹកដីពណ៌សលាយត្រួយចេក។ សាក្សីដែលឃើញហេតុការណ៍បានឱ្យដឹងថា រថយន្ដទាំងពីរគ្រឿងបើកបរក្នុងទិសដៅបញ្ច្រាសទិសគ្នា។ លុះមកដល់កន្លែងកើតហេតុ ស្រាប់តែរថយន្ដកាម៉ាសសណ្ដោងកន្ទុយជ្រុលទៅបុកបញ្ឆិិតជាមួយរថយន្ដបែនដឹកដីតែម្ដង បណ្ដាលឱ្យរថយន្ដបែនដឹកដីខូចខាតមួយចំហៀងផ្នែកខាងមុខ ឯអ្នកបើកបររងរបួសធ្ងន់បញ្ជូនទៅព្យាបាលនៅគ្លីនិកឯកជន ចំណែករថយន្ដកាម៉ាសរងការខូចខាតបន្ដិចបន្ដួច ។
ក្រោយពេលកើតហេតុសមត្ថកិច្ចបានចុះទៅធ្វើការវាស់វែង ប៉ុន្ដែតំណាងក្រុមហ៊ុនទាំងពីរបានចេញមុខធ្វើការសម្របសម្រួលគ្នានៅកន្លែងកើតហេតុតែម្ដង គ្រាន់តែមានអន្ដរាគមន៍ពីសមត្ថកិច្ចខ្លះៗប៉ុណ្ណោះ៕
ដកស្រង់ពីគេហទំព័រកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
